នៅក្នុងព្រឹត្តិការណ៍ដ៏គួរឱ្យភ្ញាក់ផ្អើលមួយ លោក Jim Farley ដែលជានាយកប្រតិបត្តិក្រុមហ៊ុន Ford Motor Company ថ្មីៗនេះបានបង្ហាញនៅលើផតខេសកម្មវិធី Everything Electric Show គឺក្នុងពល៦ខែជាងមកនេះគឺលោកមិនបានជិះជាមួយរយន្ត Fordនោះទេ តែលោកបានផ្តោតអារម្មណ៍ក្នុងការជិះជាមួយរយន្ត Xiaomi SU7 ដែលជារយន្តអគ្គិសនី របស់ Xiaomi ទៅវិញ។
Farley បាននិយាយថាក្រោយពីលោកបានបើកវាអស់រយៈពេលប្រាំមួយខែជាងមក លោកគឺចាប់ចិត្តចាប់អារម្មណ៍ជាមួយរយន្តនេះយ៉ាងខ្លាំង មិនតែប៉ុណ្ណោះលោកក៏បន្តថា គឺពេលបានជិះរយន្តនេះហើយគឺមិនចង់ ចាកចេញឬលែងចង់ជិះវាទៀតនោះទេ។ ក្រុមហ៊ុន Xiaomi ដែលត្រូវបានគ្រប់គ្នាភាគច្រើនស្គាល់ថាជាក្រុមហ៊ុនដែលលេចធ្លោរផ្នែកស្មាតហ្វូន និងឧបករណ៍អេឡិចត្រូនិកតែពួកគេក៏បានប្រកាសចូលទីផ្សាររថយន្តអគ្គិសនីនៅក្នុងឆ្នាំ 2021 ផងដែរ។
អ្វីដែលពិសេសទៀតនោះ Xiaomi បានបង្កើតប្រព័ន្ធបើកបរស្វ័យភាពកម្រិត 2 ដែលរួមបញ្ចូលមុខងារ “Navigate on Autopilot” (NoA) ដែលវាអនុញ្ញាតឱ្យរថយន្តគ្រប់គ្រងចង្កូត ការបង្កើនល្បឿន និងហ្វ្រាំងជាដើម ប៉ុន្តែទោះជាយ៉ាងណាក៏វានៅតែទាមទារឱ្យអ្នកបើកបរយកចិត្តទុកដាក់ ឲ្យបានខ្ពស់ផងដែរដើម្បីធានានូវសុវត្ថិភាព។
SU7 ជារថយន្តអគ្គិសនីចុងក្រោយបង្អស់របស់ Xiaomi បានក្លាយជាការពេញនិយមខ្លាំងក្នុងប្រទេសចិន ដោយក្រុមហ៊ុន Xiaomi អះអាងថាបានលក់រយន្តអស់ចំនួន 100,000 គ្រឿង ក្នុងឆ្នាំ 2024។ គួរឲ្យដឹងផងដែរថា លោក Jim Farley នាយកប្រតិបត្តិក្រុមហ៊ុន Ford គឺលោកតែងតែប្រយ័ត្នក្នុងការនិយាយឬសរសើរពីសដៃគូប្រជែងរបស់ខ្លួនណាស់ តែនេះលោកមើលឃើញថាក្រុមហ៊ុន Xiaomi ពិតជាធ្វើបានល្អខ្លាំងទោលើរយន្តអគ្គិសនី Xiaomi SU7។
ដោយឡែកសម្រាប់ SU7 ជាម៉ូដែលដំបូងរបស់ពួកគេដែលបានចេញលក់នៅឆ្នាំនេះគឺជាប្រភេទរថយន្ត Sedan ដែលមានតម្លៃប្រកួតប្រជែងប្រមាណ 30,000 ដុល្លារ។
ប្រភព : gizmochina