បន្ទាប់ពីការប្រកាសចេញនូវស៊េរី Xiaomi 15 នៅថ្ងៃទី 29 ខែតុលា។ Xiaomi ក៏បានបញ្ជាក់ថា ខ្លួននឹងណែនាំ Xiaomi Pad 7 ស៊េរីមកជាមួយផងដែរ។
ដោយផ្អែកលើពាក្យចចាមអារ៉ាម ស៊េរី Xiaomi Pad 7 ត្រូវបានគេរំពឹងថានឹងមានអេក្រង់ LCD ទំហំ 11.16 អ៊ីញ 144Hz ដែលធំជាងអេក្រង់ 11 អ៊ីញ 2.8K បន្តិចនៅក្នុងជំនាន់មុន។ Xiaomi Pad 7 ត្រូវបានគេនិយាយថា ដំណើរការដោយ Snapdragon 7+ Gen 3 SoC បើប្រៀបធៀបទៅនឹង Snapdragon 870 នៅក្នុងជំនាន់មុន។
ម្យ៉ាងវិញទៀត Xiaomi Pad 7 Pro ត្រូវបានគេនិយាយថានឹងទទួលបាន Snapdragon 8s Gen3 SoC លឿនជាងបន្តិច បើប្រៀបធៀបទៅនឹង Snapdragon 8+ Gen 1 SoC នៅក្នុង Xiaomi Pad 6 Pro ។ Xiaomi Pad 7 ត្រូវបានគេនិយាយថានឹងគាំទ្រការសាកថ្មលឿន 45W បើធៀបនឹង 33W ក្នុងជំនាន់មុន ខណៈម៉ូដែល Pro នឹងរក្សាការសាកថ្មលឿន 67Wដដែល។ ប៉ុន្តែចំពោះថាមពលថ្ម និងលក្ខណៈសម្បត្តិកាមេរ៉ា គឺក្រុមហ៊ុនមិនទាន់បានបង្ហាញឬបញ្ជាក់អ្វីច្រើននោះទេ។
ដូច្នេះសម្រាប់ប្រិយមិត្តរបស់Xiaomi មានតែរង់ចាំមើលការប្រកាសជាផ្លូវការពីក្រុមហ៊ុន ។
ប្រភព : gsmarena