Qualcomm បានចេញផ្សាយជាផ្លូវការអំពីបន្ទះឈីប Snapdragon 8s Gen 4 ដែលជាឈីបស៊េរីថ្មីបំផុតសម្រាប់ស្មាតហ្វូនដែលមានតម្លៃសមរម្យ ដែលផ្តល់នូវប្រសិទ្ធភាពខ្ពស់ក្នុងតម្លៃមួយនេះ។
បន្ទះឈីបថ្មីដែលមានលេខម៉ូដែល SM8735 នេះ ត្រូវបានផលិតឡើងដោយប្រើបច្ចេកវិទ្យា TSMC N4P 4nm ដែលធានាប្រសិទ្ធភាពថាមពល និងអាចប្រើប្រាស់បានយូរ។ ខុសពី Snapdragon 8 Gen 4 ដែលប្រើស្នូល Oryon ថ្មី បន្ទះឈីបនេះនៅតែពឹងផ្អែកលើស្នូល Kryo ចាស់ ដែលមានស្នូល Cortex-X4 ល្បឿនខ្ពស់រហូតដល់ 3.2GHz រួមជាមួយស្នូល Cortex-A720 ដែលមានល្បឿនខុសៗគ្នាដើម្បីបង្កើនប្រសិទ្ធភាពក្នុងការប្រើប្រាស់ថាមពល។
វាមានសម្ថភាពលឿនជាងមុន និងប្រសិទ្ធភាពថាមពលប្រសើរជាងមុន
Qualcomm អះអាងថា Snapdragon 8s Gen 4 មាន សម្ថភាពលឿនជាង Snapdragon 8 Gen 3 ប្រហែល 31% ខណៈដែលប្រើថាមពលប្រសើរជាង 39% ដែលធ្វើឱ្យវាស័ក្តិសមសម្រាប់អ្នកដែលចង់បានស្មាតហ្វូនដែលប្រើបន្ទះឈីបមានប្រសិទ្ធភាពខ្ពស់តែមានតម្លៃសមរម្យ។
ឈីបនេះវាជួយដល់ក្រាហ្វិក
ផ្នែកក្រាហ្វិករបស់ឈីបនេះមាន GPU Adreno 825 ថ្មី ដែលអាចដំណើរការលឿនជាងមុន 49% ធៀបនឹងជំនាន់មុន។ វាក៏គាំទ្របច្ចេកវិទ្យាក្នុងការលេងហ្គេមដូចជា Ray Tracing សម្រាប់ពន្លឺត្រឹមត្រូវ រួមជាមួយ Snapdragon Game Super Resolution 2.0 និង Adreno Image Motion Engine 2.0 ដើម្បីបង្កើនគុណភាពរូបភាពនៅពេលលេងហ្គេមឲ្យកាន់តែប្រសើរ។
សម្ថភាព AI កាន់តែខ្លាំង
ផ្នែក AI ក៏មានការអភិវឌ្ឍយ៉ាងខ្លាំងដែរ ដោយ Hexagon NPU មានសម្ថភាពខ្លាំងជាងមុន 44% ដែលអាចដំណើរការការងារផ្អែកលើ AI បានលឿន និងប្រសើរជាងមុន ដូចជាការស្គាល់សំឡេង ការបកប្រែភាសា និងការកែសម្រួលរូបភាពដោយស្វ័យប្រវត្តិ។
ការតភ្ជាប់ដ៏ទំនើប
សម្រាប់ការតភ្ជាប់ ឈីបនេះមាន ម៉ូដឹម Snapdragon X75 5G ដែលធានាល្បឿនអ៊ីនធឺណិតលឿន រួមជាមួយ Wi-Fi 7 សម្រាប់ការផ្ទុកឡើង និងទាញយកទិន្នន័យលឿនជាងមុន និង Bluetooth 6.0 សម្រាប់ការភ្ជាប់។
ជួយកាមេរ៉ាកាន់តែមានសម្ថភាពខ្ពស់
ផ្នែកកាមេរ៉ាឈីបនេះជួយឲ្យយើងទទួលបានរូបថតមួយដែលច្បាស់ហូតដល់ 320MP និងថតវីដេអូ 4K នៅល្បឿន 60fps ដែលធ្វើឱ្យវាស័ក្តិសមសម្រាប់អ្នកដែលចូលចិត្តថតរូប និងវីដេអូដែលមានគុណភាពខ្ពស់។
ស្មាតហ្វូនថ្លៃសមរម្យនាពេលខាងមុខ
Snapdragon 8s Gen 4 ត្រូវបានគេរំពឹងថានឹងត្រូវបានបំពាក់នៅក្នុងស្មាតហ្វូនដែលមានតម្លៃសមរម្យដែលនឹងចេញផ្សាយនាពេលខាងមុខ ដោយផ្តល់ឱ្យអ្នកប្រើប្រាស់ទទួលនូវបទពិសោធន៍ដ៏រលូន និង មានប្រសិទ្ធភាពខ្ពស់ក្នុងតម្លៃគួរសម។ នេះគឺជាជម្រើសដ៏ល្អសម្រាប់អ្នកដែលចង់បានស្មាតហ្វូនដែលមានសម្ថភាពឈីបខ្លាំថ ប៉ុន្តែមិនចង់ចំណាយលុយច្រើនពេក។
ប្រភព : gizmochina