ក្រុមហ៊ុន Oppo កំពុងតែត្រៀមខ្លួនក្នុងការដាក់បង្ហាញផលិតផលថ្មីៗជាច្រើននៅក្នុងទីផ្សារក្នុងស្រុករបស់ខ្លួននៃប្រទេសចិននៅចុងខែនេះ។ ប៉ុន្តែនៅមុនការប្រកាសជាផ្លូវការ រូបភាព Teaser ថ្មីមួយបានបញ្ជាក់ពីលក្ខណៈសម្បត្តិនៃអេក្រង់សំខាន់ៗមួយចំនួនរបស់ Oppo Pad 4 Pro ។ ក្រុមហ៊ុនបច្ចេកវិទ្យាយក្សរបស់ចិនទើបតែបានចែករំលែករូបភាព Teaser រូបភាពដែលបង្ហាញពីលក្ខណៈពិសេសផ្សេងៗនៃអេក្រង់ Oppo Pad 4 Pro នាពេលខាងមុខ។ ដោយមានអេក្រង់ទំហំ 13.2 អ៊ីញខ្ពស់ ផ្តល់នូវកម្រិតភាពច្បាស់ 3.4K និងកម្រិតពន្លឺ 900 nits ដោយអេក្រង់ត្រូវបានហ៊ុំព័ទ្ធដោយ bezels ស្តើង។
Oppo Pad 4 Pro នឹងមកជាមួយជម្រើសអង្គផ្ទុកទិន្នន័យចំនួន 4 ដែលរួមមាន 8GB + 256GB, 12GB + 256GB, 12GB + 512GB និង 16GB + 512GB ។ Oppo Pad 4 Pro នឹងដំណើរការលើប្រព័ន្ធប្រតិបត្តិការ Android 15 ចេញពីប្រអប់ ហើយបំពាក់នូវបន្ទះឈីប Snapdragon 8 Elite ចុងក្រោយបំផុត និងអស្ចារ្យបំផុតរបស់ Qualcomm។
សម្រាប់ថាមពលវិញ វាអាចនឹងមានបន្ទះ LCD ភ្ជាប់ជាមួយថាមពលថ្ម 12,000mAh និងជំនួយការសាកថ្មលឿនតាមខ្សែ 80W។ គួរឲ្យដឹងផងដែរថា Oppo មិនមែនបង្ហាញតែ Oppo Pad 4 Pro នោះទេ ក្រុមហ៊ុនក៏នឹងបង្ហាញនូវ Find X8 Ultra , Find X8s , Find X8s+, និង Watch X2 Mini នៅក្នុងប្រទេសចិននៅថ្ងៃទី 10 ខែមេសា ឆ្នាំ 2025 នេះ។
ប្រភព: gizmochina