Qualcomm កំពុងត្រៀមរៀបចំដាក់ចេញ Snapdragon 8s Gen 4 បន្ទាប់ពីបានចេញ Snapdragon 8s Gen 3 កាលពីឆ្នាំមុន។
តាមដែលព័ត៌មានដែលបានចុះផ្សាយបន្ទះឈីប Snapdragon 8s Gen 4 ទំនងជានឹងប្រើស្នូល ARM ជំនួសឱ្យស្នូល Oryon ផ្ទាល់ខ្លួនរបស់ Qualcomm ដែលរក្សាតម្លៃទាបជាង។ វានឹងមានស្នូល Cortex-X4 មួយដែលដំណើរការនៅល្បឿន 3.21GHz រួមជាមួយស្នូល Cortex-A720 ចំនួនបីនៅ 3.01GHz ស្នូល A720 ពីរទៀតនៅ 2.80GHz និងស្នូល A720 ពីរផ្សេងទៀតដែលផ្តោតលើប្រសិទ្ធភាពនៅ 2.02GHz។
ផ្នែកដំណើរការនឹងនៅតែប្រើបច្ចេកវិទ្យា 4nm របស់ TSMC ជំនួសឱ្យការផ្លាស់ទៅ 3nm ដែលមានតម្លៃថ្លៃ។ Qualcomm ទំនងជាកែលម្អប្រសិទ្ធភាពដំណើរការដើម្បីកាត់បន្ថយកំដៅ និងបង្កើនប្រសិទ្ធភាពថាមពល។ សម្រាប់ GPU Snapdragon 8s Gen 4 ទំនងជានឹងប្រើ Adreno 825 ជំនួសឱ្យ Adreno 830 ដែលមានក្នុង Snapdragon 8 Elite។ វានឹងអាចដំណើរការហ្គេមបានល្អ ប៉ុន្តែមិនអាចផ្គូផ្គងនឹងដំណើរការលំដាប់កំពូលៗដែលប្រើSnapdragon 8 Elite បានទេ។
សម្រាប់សមត្ថភាព AI និងកាមេរ៉ា Snapdragon 8s Gen 4 ទំនងជានឹងមានការកែលម្អលើដំណើរការ AI លើឧបករណ៍ ជាពិសេសក្នុងការសម្គាល់រូបភាព ការបញ្ជាដោយសំឡេង និងការបកប្រែភាសាតាមពេលវេលាជាក់ស្តែង។
ផ្នែកកាមេរ៉ាក៏នឹងមានការកែលម្អដែរ ដូចជាការថតពន្លឺតិចប្រសើរជាងមុន ដំណើរការ HDR ប្រសើរឡើង និងការគាំទ្រការថតវីដេអូ 8K Snapdragon 8s Gen 4 សមនឹងអ្នកប្រើប្រាស់ដែលចង់បានដំណើរការដូចស្មាតហ្វូនខ្ពស់ប៉ុន្តែមិនចាំបាច់ចំណាយថ្លៃខ្ពស់។ វាស័ក្កសមនឹងទូរស័ព្ទដែលមានតម្លៃ 500-700 ដុល្លារ ដែលផលិតដោយម៉ាកដូចជា Xiaomi OnePlus និង iQOO ជាដើម។
ប្រភព : gizmochina