ក្រុមហ៊ុន Lenovo ត្រូវបានគេរាយការណ៍ថាកំពុងអភិវឌ្ឍថេប្លេតលេងហ្គេមជំនាន់ថ្មី Legion Tab 2025 ដែលជាកំណែអាប់ដេតនៃ Legion Y700 2024 យោងតាមព័ត៌មានដែលលេចធ្លាយ ម៉ូដែលថ្មីនេះរំពឹងនឹងប្រើឈីប Snapdragon 8 Elite ជំនួស Snapdragon 8 Gen 3 ពីជំនាន់មុន។
ថេប្លេតនេះនឹងរក្សាទំហំអេក្រង់ 8.8 អ៊ីញដដែល ជាមួយល្បឿនអេក្រង់ 144Hz ឬ 165Hz ហើយមានសមត្ថភាពថ្មធំជាង 6,550mAh រួមជាមួយការរចនាស្តើងជាងមុន ឧបករណ៍បំពងសំឡេងពីរ និងម៉ូទ័ររំញ័រ X-axis ពីរ។
ជំនាន់បច្ចុប្បន្ន Legion Y700 2024 មានអេក្រង់ LCD 8.8 អ៊ីញដោយគុណភាពបង្ហាញ 2560×1600 MP ល្បឿនអេក្រង់165Hz និងពន្លឺ 500 nits ដោយមានការធានាពី TÜV Rheinland សម្រាប់ការពារភ្នែក។ ហើយជំនាន់ថ្មីគេរំពឹងថានឹងរក្សាលក្ខណៈពិសេសដូចជាការគាំទ្រពណ៌ DCI-P3 និងភាពត្រឹមត្រូវ DeltaE<1 ដូចជំនាន់មុនដែរ។
Legion Y700 2024 ដំណើរការដោយ Snapdragon 8 Gen 3 មាន RAM LPDDR5X អង្គផ្ទុក UFS 4.0 និងប្រព័ន្ធត្រជាក់ QianKun របស់ Lenovo។ ថេប្លេតដែលមានទម្ងន់ 350 ក្រាមនេះ នឹងដំណើរការប្រព័ន្ធប្រតិបត្តិការ ZUI 16.1 និងថ្ម 6,550mAh ដែលអាចមើលវីដេអូបាន 14.6 ម៉ោង ឬលេងហ្គេមបានរហូតដល់ 8.9 ម៉ោង។
ក្រៅពីនេះ Lenovo ក៏បានចេញ Legion Go S ក្នុងតម្លៃ 549.99 ដុល្លារ ដើម្បីប្រកួតប្រជែងជាមួយ Steam Deck OLED របស់ Valve ផងដែរ។
ប្រភព : gizmochina