ក្រុមហ៊ុន Samsung កំពុងត្រៀមចេញផ្សាយថេប្លេតថ្មីពីរគឺ Galaxy Tab S10 និង S10 FE+ ដែលបានលេចធ្លាយព័ត៌មានលម្អិតអំពីលក្ខណៈសម្បត្តិ និងតម្លៃ។ តាមអ្នកណែនាំ Arsene Lupine នៅលើ X ថេប្លេតទាំងពីរនេះនឹងមានលក្ខណៈពិសេសដែលដំណើរការដោយ AI រួមជាមួយការរចនាដ៏ទំនើប។
Galaxy Tab S10 FE មានអេក្រង់ LCD 10.9 អ៊ីញដែលគាំទ្រ 90Hz ខណៈ S10 FE+ មានអេក្រង់ធំជាង 13.1 អ៊ីញ។ ថេប្លេតទាំងពីរត្រូវបានរចនាជាមួយស៊ុមអាលុយមីញ៉ូមរឹងមាំ និងបំពាក់អាវក្រោះការពារទឹកនិងធូលី IP68 ។ ឧបករណ៍នេះប្រើប្រាស់បន្ទះឈីប Exynos 1580 ដែលផលិតដោយ Samsung ខ្លួនឯង ដោយផ្តល់សមត្ថភាពគ្រប់គ្រាន់សម្រាប់ការងារប្រចាំថ្ងៃ និងការប្រើប្រាស់ទូទៅបានយ៉ាងរលូន។
ហើយចំពោះផ្នែកកាមេរ៉ាគឺមានកាមេរ៉ាខាងក្រោយទំហំ 13MP និងកាមេរ៉ាខាងមុខ 12MP ដែលអាចថតមុំទូលាយ 120 ដឺក្រេ។ ដោយថ្មរបស់ Tab S10 FE មាន 8,000mAh ខណៈ S10 FE+ មានថ្មធំជាងដល់ 10,090mAh ដែលគាំទ្រការសាកលឿន 45W។
Samsung ក៏បានបន្ថែមលក្ខណៈពិសេស AI ជាច្រើន ដូចជាមុខងារស្វែងរករបស់ Google និងការគាំទ្រ S Pen ពីប្រអប់។ ចំពោះតម្លៃវិញ Galaxy Tab S10 FE ចាប់ផ្តើមពី 623 ដុល្លារ សម្រាប់ម៉ូដែល 8GB/128GB ខណៈ S10 FE+ ចាប់ផ្តើមពី 800 ដុល្លារ ឡើង។
ប្រភព : gizmochina