នេះគឺរូបរាង Renders ផ្លូវការរបស់ Samsung Galaxy S25 Edge លេចចេញមុនពេលដែលអាចចេញលក់នៅក្នុងខែមេសា ជាមួយតម្លៃក្បែរ 1500 ដុល្លារ

Samsung Galaxy S25 Edge ត្រូវបានគេរំពឹងថានឹងចេញផ្សាយនៅខែមេសា ខាងមុខនេះ បន្ទាប់ពីត្រូវបានគេលើកឡើងជាលើកដំបូងក្នុងព្រឹត្តិការណ៍ Galaxy S25 ខែមករា ហើយក៏បានលេចចេញនៅពិព័រណ៍ MWC 2025 ដែរ។ ទូរស័ព្ទនេះនឹងមានជម្រើសពណ៌សំខាន់ៗ ៣ គឺ Titanium Jet Black, Titanium Icy Blue និង Titanium Silver។

យោងតាមព័ត៌មានដែលបានចុះផ្សាយ Galaxy S25 Edge នឹងមានអេក្រង់ AMOLED ទំហំ 6.7 អ៊ីញ ដែលគាំទ្រកម្រិតភាពច្បាស់ FHD+ និង 120Hz ដោយប្រើប្រាស់ឈីប Snapdragon 8 Elite។ ឧបករណ៍នេះមានការរចនាស្តើងជាងមុនដែលមានកម្រាស់ត្រឹមតែ 5.8mm និងមានថ្ម 3,900mAh ដែលគាំទ្រការសាកឥតខ្សែ 25W។

សម្រាប់ប្រព័ន្ធកាមេរ៉ា Galaxy S25 Edge នឹងមានកាមេរ៉ា ខាងមុខទំហំ 12MP និងកាមេរ៉ាគោលខាងក្រោយទំហំ 200MP ជាមួយ OIS និង12MP ultra-wide  ដោយទូរស័ព្ទនេះដំណើរការលើប្រព័ន្ធ Android 15 ជាមួយ One UI 7។ ដោយតម្លៃរបស់ S25 Edge អាចចាប់ផ្តើមពី 1200 ដុល្លារ ដល់ 1400​ ដុល្លារ ដែលមានអង្គផ្ទុកទិន្នន័យ 256GB និង 512GB។
ប្រភព : gizmochina