ទូរស័ព្ទទាំងពីរមានអេក្រង់ AMOLED 6.67 អ៊ីញ 2K 120Hz ដែលមានពន្លឺខ្លាំងដល់ 3200 nits រួមទាំងមុខងារស្កេនម្រាមដៃក្រោមអេក្រង់ នឹងកម្រិតការពារធូលីនិងទឹក IP68។ ហើយមកមើលពីការរចនារបស់ F7 Ultra គឺមានអេក្រង់កោង ៤ ជ្រុង ខណៈ F7 Pro មានអេក្រង់រាបស្មើ។ ទូរស័ព្ទទាំងពីរដំណើរការលើ Xiaomi HyperOS 2 ដែលផ្អែកលើ Android 15។
POCO F7 Ultra ដំណើរការដោយ ប្រព័ន្ធ Snapdragon 8 Elite ជាមួយ VisionBoost D7 សម្រាប់លេងហ្គេមដ៏ល្អ ដែលគាំទ្រ 120fps Smart Frame Rate និង Game HDR។ វាមានថាមពលថ្ម 5300mAh ដែលគាំទ្រការសាកលឿន 120W និងសាកឥតខ្សែ 50W។
ចំពោះការថតរូបវិញ វាមានកាមេរ៉ាគោល ទំហំ 50MP 32MP ultra-wide និង 50MP telephoto ជាមួយនឹងកែវពង្រីក 2.5x optical zoom និង 5x zoom integrated រួមទាំងអាចថតរូប macro 10cmផងដែរ។
ហើយសម្រាប់ F7 Pro ដំណើរការដោយបន្ទះឈីប Snapdragon 8 Gen 3 ជាមួយ WildBoost Optimization 4.0 សម្រាប់ដំណើរការលូន។ វាភ្ជាប់មកជាមួយថាមពលថ្ម 6000mAh ដែលអាចសាកលឿន 90W ប៉ុន្តែគ្មានសាកឥតខ្សែនោះទេ។ ផ្នែកកាមេរ៉ារបស់វាមាន 50MP កាមេរ៉ាគោល និង 8MP ultra-wide ដោយពឹងផ្អែកលើ ប្រព័ន្ធថតរូប AI (POCO AISP) ដូចជា UltraZoom Beta និង UltraSnap។
ហើយតម្លៃរបស់ F7 Pro ចាប់ផ្តើបពី 539 ដុល្លារ ដល់ 593 ដុល្លារ សម្រាប់ RAM 12GB អង្គផ្ទុកទិន្នន័យ 256GB ខណៈដែល F7 Ultra ចាប់ពី 755 ដុល្លារ សម្រាប់ RAM 12 GB និងអង្គផ្ទុកទិន្នន័យ 256GBដល់ 863 សម្រាប់ RAM 16GB និងអង្គផ្ទុកទិន្នន័យ 512GB។
ប្រភព : ceotech