ស្មាតហ្វូន A5 នេះមានអេក្រង់ IPS LCD ទំហំ 6.88 អ៊ីញ និង 120Hz ផ្តល់ពន្លឺដល់ 450 nits ។ ជាមួយ RAM 4GB និងអង្គផ្ទុកទិន្នន័យ 128GB ដែលអាចពង្រីកបានតាមរយៈកាត microSD។
សម្រាប់អ្នកដែលចូលចិត្តថតរូប Redmi A5 មានកាមេរ៉ាមុខ 8MP និងកាមេរ៉ាក្រោយ 32MP ជាមួយ LED flash សម្រាប់ថតរូបក្នុងស្ថានភាពពន្លឺខ្សោយ។ ស្មាតហ្វូននេះដំណើរការលើAndroid 15 (Go Edition) ដែលបង្កើនប្រសិទ្ធភាពសម្រាប់ទូរស័ព្ទកម្រិតថវិ។ វាមានថាមពលថ្ម 5,200mAh គាំទ្រការសាកលឿន 15W តាមរយៈ USB Type-C ធានាថាអ្នកអាចប្រើប្រាស់បានយូរដោយមិនចាំបាច់ព្រួយបារម្ភពីថ្មអស់។
Redmi A5 មានលក់ក្នុងតម្លៃប្រហែល 72 ដុល្លារ ជាមួយជម្រើសពណ៌ Midnight Black, Sandy Gold និង Lake Green។ ស្មាតហ្វូននេះអាចទិញបានតាមរយៈបណ្តាញចែកចាយផ្លូវការរបស់ Xiaomi នៅទូទាំងឥណ្ឌូនេស៊ី ហើយគេរំពឹងថាវានឹងត្រូវបានគេដាក់ឈ្មោះថ្មីជា Poco C71 នៅក្នុងទីផ្សារផ្សេងៗទៀត។ នេះជាជម្រើសល្អសម្រាប់អ្នកដែលកំពុងស្វែងរកស្មាតហ្វូនដែលមានអេក្រង់ធំ ថាមពលថ្មយូរ និងប្រសិទ្ធភាពល្អក្នុងថវិកាមានកំណត់។
ប្រភព : gizmochina