មុនពេលចេញលក់ iQOO បានបង្ហាញព័ត៌មានមួយចំនួនអំពីទូរស័ព្ទនេះ អំពីការរចនា បន្ទះឈីប សមត្ថភាពថ្ម និងល្បឿនសាកថ្ម។
ទូរស័ព្ទទាំងពីរម៉ូដែលនឹងមានអេក្រង់ OLED LTPS ទំហំ៦.៧៨អ៊ីញដែលមានភាពច្បាស់លាស់ 1.5K។ ចំពោះអេក្រង់របស់ Z10 Turbo ស៊េរីគឺជាអេក្រង់ TCL Huaxing C9+ flat OLED ដែលផ្តល់ល្បឿនអេក្រង់១៤៤Hz អេក្រង់នេះអាចឈានដល់កម្រិតពន្លឺ ២០០០ nits។ ដើម្បីការពារភ្នែក អេក្រង់នេះមានមុខងារបន្ថយពន្លឺ DC សកល និងការបន្ថយប្រេកង់ខ្ពស់ PWM នៅកម្រិត៤៣២០Hz។
ផ្នែកថ្ម iQOO Z10 Turbo Pro មានថាមពលថ្ម7000mAh ដែលគាំទ្រការសាកលឿន120W អាចសាកពេញពី0ទៅ100% ក្នុងរយៈពេលតែ៣៣នាទី។ ចំណែក Z10 Turbo ធម្មតាមានថាមពលថ្ម7620mAh និងគាំទ្រការសាកលឿន90W។ ទាក់ទងនឹងប្រព័ន្ធដំណើរការ Z10 Turbo ប្រើប្រាស់បន្ទះឈីប Dimensity 8400 ខណៈ Z10 Turbo Pro ប្រើ Snapdragon 8s Gen 4។
ប្រភព: gizmochina