ក្រុមហ៊ុន Samsung កំពុងធ្វើការលើបច្ចេកវិទ្យាទូរស័ព្ទបត់បានដែលអាចបត់បានទាំងសង់ខាង ទាំងខាងក្នុង និងខាងក្រៅ ដោយប្រើប្រព័ន្ធ hinge 360 ដឺក្រេ។ ការរចនានេះអាចជាការផ្លាស់ប្តូរស្តង់ដារឧស្សាហកម្ម បច្ចុប្បន្ន ដោយលុបបំបាត់តម្រូវការអេក្រង់គម្របដាច់ដោយឡែក។
ទូរស័ព្ទនេះនឹងប្រើអេក្រង់តែមួយដែលអាចបត់បានពេញលេញ ជំនួសឱ្យការពឹងផ្អែកលើអេក្រង់ខាងក្រៅដូចការរចនាបច្ចុប្បន្ន។ Samsung ប្រើបច្ចេកវិទ្យា Ultra Thin Glass (UTG)។ ការរចនានេះក៏រួមបញ្ចូលអេក្រង់លាតតូចមួយនៅខាងក្រោមកាមេរ៉ាខាងក្រោយផងដែរ ដោយអនុញ្ញាតឱ្យអ្នកប្រើប្រាស់មើលការជូនដំណឹង និងប្រើមុខងារមូលដ្ឋានមួយចំនួនបាន ទោះជាទូរស័ព្ទបត់បិទក៏ដោយ។
ក្នុងពេលថ្មីៗនេះ ក៏ឃើញថាក្រុមហ៊ុន Huawei បានចេញ Pura X ដែលបត់ទៅចំហៀង បង្កើតអេក្រង់ 16:10 ទំហំ 6.3 អ៊ីង។ នេះបង្ហាញថា ទីផ្សារកំពុងផ្លាស់ប្តូរយ៉ាងឆាប់រហ័ស ហើយការរចនា 360 ដឺក្រេរបស់ Samsung អាចជាជំហានបន្ទាប់ដ៏ធំ។
ទោះបីជាបច្ចុប្បន្ននេះវាគ្រាន់តែជាគំនិតស្រមៃក៏ដោយ ក៏វាជាការបើកផ្លូវសម្រាប់អនាគតនៃទូរស័ព្ទបត់បានដែលមានលក្ខណៈបត់បែន និងមុខងារពេញលេញ។ យើងអាចរំពឹងឃើញការប្រកួតប្រជែងយ៉ាងគួរឱ្យចាប់អារម្មណ៍នៅក្នុងទីផ្សារទូរស័ព្ទបត់បាននាពេលខាងមុខ។
ប្រភព : gizmochina