ក្រុមហ៊ុន OnePlus បានបញ្ជាក់ថានឹងចេញលក់ស្មាតហ្វូន OnePlus 13T ដែលនឹងចេញនៅចុងខែនេះក្នុងប្រទេសចិន ដោយលោក Li Jie ប្រធានក្រុមហ៊ុន OnePlus China បានចាប់ផ្តើមសាកល្បងឧបករណ៍នេះ ហើយរំលេចពីសមត្ថភាពថ្មដ៏ធំ ដែលតាមការលាតត្រដាងចុងក្រោយបង្ហាញថា OnePlus 13T នឹងមានថាមពលថ្មលើសពី 6,000mAh និងគាំទ្រការសាកថ្មលឿន 80W ដោយកំណត់ស្តង់ដារថ្មីសម្រាប់ទូរស័ព្ទស្មាតហ្វូនខ្នាតតូចនេះ។
ទោះបីជាផ្តោតលើប្រសិទ្ធភាពថ្មក៏ដោយ ក៏ OnePlus 13T នៅតែដំណើរការដោយ បន្ទះឈីប Snapdragon 8 Elite SoC ដើម្បីផ្តល់សមត្ថភាពដំណើរការលំដាប់កំពូល រួមទាំងម៉ាស៊ីនដែលផ្តោតលើការលេងហ្គេមដែលកែតម្រូវប្រេកង់ស៊ីភីយូ និង GPU ដើម្បីបង្កើនប្រសិទ្ធភាពលេងហ្គេមថែមទៀត។
OnePlus 13T ត្រូវបានរចនាឡើងជាមួយអេក្រង់ទំហំ 6.3 អ៊ីញ និង 1.5K ដោយទូរស័ព្ទនេះវាត្រូវបានរំពឹងថានឹងមានកាមេរ៉ាមុខក្រោយ 50MP ដែលមាន OIS-enabled ហើយ OnePlus មានបំណងធ្វើឲ្យឧបករណ៍នេះក្លាយជាស្មាតហ្វូនមួយដែលមានតម្លៃសមរម្យបំផុតជាមួយ Snapdragon 8 Elite ដែលអាចមានតម្លៃក្រោម 550 ដុល្លារ។
ប្រភព : gizmochina