ក្រុមហ៊ុន Huawei ទើបតែបានឈានចូលទំព័រថ្មីមួយនៅក្នុងប្រវត្តិសាស្រ្តរបស់ខ្លួនជាមួយនឹងការបើកដំណើរការជាផ្លូវការនៃ HarmonyOS Next ។ វាគឺជាប្រព័ន្ធប្រតិបត្តិការដំបូងបង្អស់របស់ក្រុមហ៊ុន Huawei ដែលបង្កើតឡើង ដាច់ ដោយឡែកពីប្រព័ន្ធប្រតិបត្តិការ Android ដោយសារតែក្រុមហ៊ុនចង់ធ្វើវាឲ្យជារបស់ខ្លួនឯងជាពិសេសងាយស្រួលក្នងការបំពាក់លើឧបករណ៍របស់ខ្លួន ក៏ដូចជាធ្វើឲ្យវាមានដំណើរការល្អ។
HarmonyOS Next វាបង្កើតឡើងដើម្បីផ្តល់ថាមពលដល់ឧបករណ៍របស់ Huawei ទាំងបច្ចុប្បន្ន និងអនាគត វាក៏នឹងដំណើរការលើឧបករណ៍ជាច្រើនចាប់ពីស្មាតហ្វូនរហូតដល់ឧបករណ៍បំពាក់ នៅក្នុងផ្ទះឆ្លាតវៃ និងសូម្បីក្នុង ឡាន។HarmonyOS Next ប្រើ microkernel ដែលបង្កើតដើម្បី គ្រប់គ្រងប្រព័ន្ធប្រតិបត្តិការមួយនេះឲ្យកាន់តែមានភាពប្រសើរឡើងនិងរលូន។
ប្រធានក្រុមហ៊ុន Huawei Consumer Business Group លោក Richard Yu បានប្រកាសថា កម្មវិធី និងសេវាកម្មចំនួន 15,000 ដែលវាជាផ្នែកមួយនៃប្រព័ន្ធអេកូ HarmonyOS Next។ យើងក៏បានដឹងផងដែរថា កំណែមុនៗរបស់ HarmonyOS បច្ចុប្បន្នកំពុងដំណើរការលើឧបករណ៍ជាង 1 ពាន់លានគ្រឿងទូទាំងពិភពលោក។ ដែលវារួមមាន ស្មាតហ្វូន ថេប្លេត ឧបករណ៍បំពាក់ឆ្លាតវៃ ក្នុងផ្ទះ និងប្រព័ន្ធព័ត៌មានសម្រាប់រថយន្តផងដែរ។
HarmonyOS Next វាភ្ជាប់មកជាមួយនូវមុខងារចាក់សោអេក្រង់ថ្មី ដែលហ្នឹងមើលឃើញអេក្រង់ស្រស់ជាងមុន។ ហើយវាក៏អាចប្តូររូបនៅលើអេក្រង់បានតាមចិត្តមានចលនាលឿនជាងមុន នឹងដំណើរការកម្មវិធីលឿនផងដែរ។ ហើយឧបករណ៍ដែលដំណើរការ HarmonyOS Next ឥឡូវនេះមានភាពរលូនជាងមុន 30% បើប្រៀបធៀបទៅនឹងកំណែមុនៗ។នឹងកម្មវិធី Huawei Share 2.0 វាអាចធ្វើការផ្ទេរឯកសារទំហំ 1.2GB ក្នុង ពេលត្រឹមតែ 8 វិនាទីប៉ុណ្ណោះ។
ប្រភព : gsmarena