ក្រុមហ៊ុន Apple បានបង្ហាញ iMac ថ្មី ដែលបំពាក់នូវបន្ទះឈីប M4 ដែលមានសមត្ថភាពខ្លាំង។ Apple ធ្វើឱ្យ iMac ថ្មីនេះដំណើរការលឿនជាងមុន មានប្រសិទ្ធភាពជាងមុន និងឆ្លាតវៃជាងមុន ដោយបន្ថែមមុខងារ AI ឬបញ្ញាសិប្បនិម្មិត ។
ដំណើរការបន្ទះឈីប M4 ថ្មីគឺជាការកែលម្អដ៏សំខាន់លើ M1 ដែលធ្វើឱ្យការងារប្រចាំថ្ងៃកាន់តែលឿន នឹងជំរុញឲ្យការរចនាក្រាហ្វិក និងការកែសម្រួលវីដេអូកាន់តែរលូននឹងល្អជាងមុន។ ការអាប់ដេតនេះធ្វើឱ្យ iMac M4 ល្អឥតខ្ចោះសម្រាប់អ្នកដែលត្រូវការ ធ្វើការងារដែលមានដំណើរការខ្លាំង ក៏ដូចជាត្រូវការឧបករណ៍សម្រាប់បន្ទុកការងារធ្ងន់ និងកិច្ចការច្រើន។ លើសពីនេះ សមត្ថភាពកើនឡើងរបស់ Neural Engine ពង្រឹងមុខងារ AI ដោយបើកមុខងារដូចជាជំនួយអត្ថបទ និងការគ្រប់គ្រងលំហូរការងាររបស់អ្នកដោយស្វ័យប្រវត្តិ។
iMac ថ្មីនេះផ្តល់ល្បឿនដល់ទៅប្រាំមួយដែលលឿនជាងម៉ូដែល Intel ចាស់ៗ។ ដោយវាភ្ជាប់មកជាមួយនឹង RAM 16GB ហើយក៏អាចដំឡើងដល់ 32GBផងដែរ។និងផ្តល់នូវអង្គផ្ទុកទិន្នន័យ SSD រហូតដល់ 2TB ជាមួយរន្ធ USB-C ចំនួនបួនដែលគាំទ្រ Thunderbolt 4 បើកការផ្ទេរទិន្នន័យល្បឿនលឿន ហើយក៏វាអនុញ្ញាតឱ្យអ្នកភ្ជាប់អេក្រង់ខាងក្រៅដែលមានគុណភាពបង្ហាញ 6K ចំនួនពីរ បានទៀតផង ដែលធ្វើឱ្យវាស័ក្តិសមសម្រាប់កិច្ចការច្រើនកម្រិតខ្ពស់។
iMac ផ្តល់នូវការភ្ជាប់កម្រិតខ្ពស់ជាមួយនឹង Wi-Fi ជំនាន់ទី 6E និង Bluetooth 5.3 ដែលធានាបាននូវការតភ្ជាប់ដែលមានស្ថេរភាព និងលឿននឹងបំពាក់មុខងារ Touch ID ដែលអនុញ្ញាតឱ្យដោះសោរហ័ស និងសុវត្ថិភាព។
ហើយសម្រាប់តម្លៃរបស់វា អាចមានចន្លោះចាប់ពី $1,399 ទៅដល់ $1,599 ឬក៏អាចថ្លៃជាងនេះ។
ប្រភព : ceotech