ក្នុងរយៈពេលប៉ុន្មានទសវត្សរ៍កន្លងមកនេះ ផលិតផលរបស់ចិនបានបោះជំហានយ៉ាងសំខាន់ក្នុងការរចនា បច្ចេកវិទ្យា គុណភាព និងភាពប្រណីត។
កាលពីរពេលថ្មីៗនេះក្រុមហ៊ុនHuaweiបានបង្ហាញរថយន្តអគ្គិសនីMaextroS800 ដែលមានភាពប្រណិតនឹងស្រស់ស្អាតដែលមានការចូលរួមពីប្រិយមិត្ត ដោយមានការគាំទ្រយ៉ាងច្រើនតែម្តង។
ម៉ាកយីហោចិនថ្មីឈ្មោះ Maextro មានគោលបំណងប្រកួតប្រជែងលើភាពលេចធ្លោនៃក្រុមហ៊ុនរថយន្តប្រណីតរបស់អឺរ៉ុបដូចជា Rolls-Royce, Bentley និង Maybach ។ ម៉ូដែលដំបូងរបស់ Maextro គឺ S800 ផ្តល់នូវកម្រិតភាពប្រណិតដែលអាចប្រៀបធៀបបានក្នុងតម្លៃសមរម្យបំផុត ដោយបង្ហាញពីការប្រកួតប្រជែងដែលកំពុងកើនឡើងរបស់ប្រទេសចិននៅក្នុងទីផ្សាររថយន្តកម្រិតខ្ពស់។
Maextro គឺជាម៉ាករថយន្តលំដាប់ខ្ពស់ដែលត្រូវបានបង្កើតឡើងដោយការសហការគ្នារវាងក្រុមហ៊ុន Huawei និង JAC ។ វាគឺជាគម្រោងមួយដែលបង្ហាញពីកម្រិតខ្ពស់នៃភាពប្រណីត និងការច្នៃប្រឌិតបើប្រៀបធៀបទៅនឹងការសហការផ្នែករថយន្តពីមុនរបស់ Huawei ។
Maextro S800 គឺជារថយន្តប្រណិតអគ្គិសនីដែលត្រូវបានបង្ហាញជាគំរូដើមមុនពេលចេញលក់នៅនិទាឃរដូវក្នុងឆ្នាំ 2025 ខាងមុខ។ រថយន្តនេះដើរតាមរចនាបថបែបបុរាណ ដែលមានផ្នែកខាងមុខវែង ដំបូលកោងរលោង និងផ្នែកកង់វែងជាងមុន ដោយរំលេចនូវភាពប្រណីតរបស់វាតែម្តង។
Maextro S800 ទោះបីជាមានការរីកចម្រើននៅក្នុងឧស្សាហកម្មរថយន្តរបស់ប្រទេសចិនក៏ដោយ ក៏វាបីដូចជាមានកំហុសក្នុងការចម្លងគំនិតរចនាពីរថយន្តទំនើបអឺរ៉ុប ដែលវាមិនរចនាឲ្យខុសគ្នានោះទេ។ លោក Yu Chengdong នាយកប្រតិបត្តិនៃក្រុមហ៊ុន Consumer Business Group របស់ Huawei បាននិយាយដោយមោទនភាពថា Maextro S800 មានទំហំធំជាង 99.99% នៃរថយន្តនៅលើផ្លូវរបស់ចិន។
តែទោះជាយ៉ាងណាក៏ដោយរយន្តមួយគ្រឿងននេះមិនទាន់ប្រកាសចេញលក់ជាផ្លូវការនោះឡើយរង់ចាំមើលការបង្ហាញខ្លួនក្នុងឆ្នាំ២០២៥។
ប្រភព : carnewschina