ដូចដែលយើងបានដឹងហើយក្រុមហ៊ុន Tesla ជាក្រុមហ៊ុនដែលឈានមុខគេក្នុងការបង្កើតបច្ចេកវិទ្យារយន្តបើកបរដោយខ្លួនឯង ហើយ Tesla ក៏គ្រោងនឹងដាក់ដំណើររយន្តនេះក្នុង ប្រទេសចិននាឆ្នាំក្រោយផងដែរ តែពេលនេះក្រុមហ៊ុនHuawei អាចនឹងចូលមកបង្អាក់ដំណើរការមួយនេះ។
FSD ឬក៏ Full Self-Driving គឺជាកម្មវិធីជំនួយអ្នកបើកបរកម្រិតខ្ពស់របស់ក្រុមហ៊ុន Tesla ។ ដែលវាអាចរក្សាល្បឿន និងអាចកំណត់ចម្ងាយថយន្តដែលនៅខាងមុខ ការបន្ថយល្បឿន ឬក៏ឈប់នៅភ្លើងស្តុប នឹងវាអាចសម្គាល់ចំពោះអ្នកដំណើរថ្មើរជើង អ្នកជិះកង់ យានជំនិះ និងអ្វីៗជាច្រើនទៀត ដែលវាមិនខុសពីអ្វីដែលមនុស្សយើងបើកបរនោះទេ។ ហើយនៅឆ្នាំ 2025 គ្រប់គ្នាអាចនឹងឃើញការប្រកួតន្រជែងរវាង Tesla និងHuawei ដែលក្រុមហ៊ុនទាំងពីរនឹងបញ្ចេញរយន្តដែលបើកបរដោយខ្លួនឯង។
ទោះជាយ៉ាងណាក៏ដោយ ក្រុមហ៊ុន Tesla ក៏មើលនឹងឃើញថា ក្រុមហ៊ុន Huawei ជាគូប្រជែងដ៏ស្វិតស្វាញបំផុតរបស់ខ្លួនក្នុងការប្រណាំងបច្ចេកវិទ្យាបើកបរដោយខ្លួនឯងនេះ។ លោក Yu Chengdong បាននិយាយថា រយន្តបើកបរឆ្លាតវៃរបស់ក្រុមហ៊ុន Huawei គឺប្រសើរជាងគូប្រជែងបរទេសរបស់ខ្លួន ទាក់ទងនឹងដំណោះស្រាយនៃការបើកបរដោយខ្លួនឯង។
កាលពីថ្ងៃទី 17 ខែតុលា ប្រធានក្រុមហ៊ុន Huawei Automotive Solutions Business Group – Yu Chengdong បានចូលរួមសន្និសីទ 2024 World Intelligent Connected Vehicle Conference។ ក្នុងអំឡុងពេលព្រឹត្តិការណ៍នេះដែរ នាយកប្រតិបត្តិបាននិយាយថាក្រុមហ៊ុន Huawei ត្រៀមខ្លួនរួចជាស្រេចដើម្បីប្រជែងជាមួយគូប្រជែងថ្មីរបស់ខ្លួននៅក្នុងប្រទេសចិន។
លោក Yu Chengdong ក៏បានបង្ហើបប្រាប់ក្រុមហ៊ុន Tesla FSD ដែលអាចចូលមកទីផ្សាររថយន្តប្រទេសចិនក្នុងត្រីមាសទីមួយនៃឆ្នាំក្រោយនោះ។ ប្រធានក្រុមហ៊ុន Huawei បាននិយាយថា រថយន្តឆ្លាតវៃដែលគាំទ្រដោយក្រុមហ៊ុន Huawei ដែលគ្មានបច្ចេកវិទ្យា LiDAR ក៏នឹងផ្តល់នូវដំណើរការល្អប្រសើរជាងរថយន្ត Tesla ផងដែរ។
ទោះយ៉ាងណាក្តីក៏យើងបានដឹងដែរថា ក្រុមហ៊ុន Huawei មិនមែនជាអ្នកបង្កើតរយន្តដោយខ្លួនឯងនោះទេប៉ុន្តែខ្លួនជាអ្នកនៅពីក្រោយនឹងដើរតួនាទីយ៉ាងសំខាន់នៅក្នុងទីផ្សាររថយន្តចិន ដោយផ្តល់នូវបច្ចេកវិទ្យា និងដំណោះស្រាយរថយន្តឆ្លាតវៃកម្រិតខ្ពស់នេះ ជំនាញរបស់ក្រុមហ៊ុន Huawei គឺលើផ្នែកជាច្រើនដូចជា software, AIជាដើម ដែលធ្វើឱ្យរថយន្តដែលជារដៃគូរបស់ខ្លួនមានភាពប្រកួតប្រជែងខ្ពស់ ដោយអាចឱ្យពួកគេឈានដល់តំណែងកំពូលនៅក្នុងឧស្សាហកម្មរថយន្តរបស់ចិន។
ក្រុមហ៊ុនបច្ចេកវិទ្យាយក្សមួយនេះ ក៏បានបង្ហាញនូវបច្ចេកវិទ្យា Qiankun ADS 3.0 ថ្មី ដែលធ្វើអោយបទពិសោធន៍នៃការបើកបរដោយខ្លួនឯងមានប្រសិទ្ធភាពខ្ពស់។ ដោយវាមិនត្រឹមតែមើលថែវត្ថុឬអ្នកធ្វើដំណើរប៉ុណ្ណោះនោះទេ ប៉ុន្តែវាក៏អាចយកទៅចតដោយខ្លួនឯងផងដែរ ទោះជាអ្នកបើកបរមិននៅក្នុងរថយន្តក៏ដោយ។
ក្រុមហ៊ុន Huawei ក៏នឹងបង្ហាញម៉ាកកម្មវិធីថ្មី Qiankun ADS 3.0 សម្រាប់បំពាក់លើរយន្តដែលបើកបរដោយខ្លួនឯងផងដែរ។ទន្ទឹមនឹងនេះ ក្រុមហ៊ុន Huawei ក៏កំពុងពង្រីក អាជីវកម្មដំណោះស្រាយ រថយន្តឆ្លាតវៃ របស់ខ្លួន នៅក្នុងប្រទេសចិនដោយសហការជាមួយក្រុមហ៊ុនផលិតរថយន្តជាច្រើនទៀត។ ដោយចុងក្រោយនេះក៏រួមមាន BYD និងសូម្បីតែ Audi ផង។
ជារួមមកវិញ ប្រសិនបើរឿងទាំងនេះវាកើតឡើងពិតមែននោះ Tesla អាចនឹងប្រឈមមុខនឹងពិបាកក្នុងការចុះចូលក្នុងទីផ្សាររយន្តក្នុងប្រទេសចិន ដែលមានក្រុមហ៊ុន Huawei នៅទីនោះស្រាប់។
ប្រភព :huaweicentral