កាលពីថ្ងៃទី៣១ ខែតុលា កន្លងទៅនេះ ក្រសួងសេដ្ឋកិច្ច និងហិរញ្ញវត្ថុ នៅកម្ពុជាបានធ្វើសេចក្តីប្រកាសអំពី ការបង់ពន្ធនៅលើមធ្យោបាយដឹងជញ្ជូន ហើយក្នុងនោះដែរ ក្រសួងសេដ្ឋកិច្ច និងហិរញ្ញវត្ថុ ក៏បានលើកអំពីពន្ធ របស់រថយន្តជាច្រើនប្រភេទផងដែរ។
ហើយមួយវិញទៀតក្នុងសេចក្តីប្រកាសនេះក៏បាននិយាយអំពីរថយន្តដោយប្រើប្រាស់ថាមពលអគ្គីសនីផង មិនតែប៉ុណ្ណោះសម្រាប់រថយន្តអគ្គីសនីក៏នឹងត្រូវបង់ពន្ធទៅតាមកម្លាំងសេះក៏ដូចគិតជាឆ្នាំផងដែរ។
រថយន្តអគ្គីសនីដែលមានកម្លាំង
- ១៥០ សេះត្រូវបង់ពន្ធ ១០០ ០០០៛
- ១៥០ ដល់ ២០០ សេះត្រូវបង់ ១៥០ ០០០៛
- ២០០ សេះ ដល់២៥០ សេះ ត្រូវបង់ ៥០០ ០០០៛
- ២៥០ សេះ ដល់ ៣០០ សេះ ត្រូវបង់ ១ ២០០ ០០០៛
- លើសពី ៣០០ ឡើងទៅត្រូវបង់ ១ ៦០០ ០០០៛
តម្លៃនេះបើយើងគិតពីឆ្នាំផលិតទៅដល់ ៥ ឆ្នាំ ហើយបើចាប់ពី ៥ ឆ្នាំដល់ ១០ នោះ ពន្ធរថយន្តអគ្គីសនីនេះ ក៏ចុះមកវិញដែរ ដោយរថយន្តដែលមានម្លាំង ពី ៣០០ សេះឡើងទៅ គឺត្រូវបង់តែ ១ ០០០ ០០០៛ ហើយបើលើសពី ១០ ឆ្នាំនោះ រថយន្តដែលមានម្លាំង ពី ៣០០ សេះឡើងទៅនោះត្រូវបង់តែ ៦០០ ០០០៛ ប៉ុណ្ណោះ។
ទាំងនេះគឺជាតួរលេខដែលក្រសួងសេដ្ឋកិច្ចនិងហិរញ្ញវត្ថុបានធ្វើការចុះផ្យាយនាពេលថ្មីៗនេះ។
ប្រភព : ក្រសួងសេដ្ឋកិច្ច និងហិរញ្ញវត្ថុ