realme GT 7 Pro នឹងចេញលក់នៅថ្ងៃទី 26 ខែវិច្ឆិកា ឆ្នាំ 2024 ក្នុងប្រទេសឥណ្ឌា។ ក្រុមហ៊ុនបានប្រកាសថា GT 7 Pro នេះនឹងក្លាយជាស្មាតហ្វូន ដំបូងគេនៅក្នុងប្រទេសឥណ្ឌាដែលបំពាក់នូវបន្ទះឈីប Snapdragon 8 Elite ដែលមានថាមពលខ្លាំង។
នេះមានន័យថា realme កំពុងរំលេចនូវសមត្ថភាពខ្ពស់របស់ GT 7 Pro ជាពិសេសគឺបានផ្តោតទៅលើការលេងហ្គេម ដែលត្រូវបានពង្រឹងដោយបច្ចេកវិទ្យា AI ។ ចំពោះពិន្ទុ Antutu Benchmark ទទួលបានប្រហែល 3 លាន។
នេះបង្ហាញថាទូរស័ព្ទនេះមានថាមពលខ្លាំង វាមានសមត្ថភាពដោះស្រាយកិច្ចដែលយើងចង់បាន ដូចជាការលេងហ្គេមបានយ៉ាងរលូន ដោយ AI អាចនឹងជួយកែលម្អទៅលើរូបភាពហ្គេម ទាក់ទងនឹងល្បឿនឲ្យកាន់តែស្រួល នឹងផ្តល់នូវអ្វីដែលអ្នកប្រើប្រាស់ទូទៅចង់បាន។
realme GT 7 Pro ដែលបំពាក់នូវបន្ទះឈីប Snapdragon 8 Elite ថ្មីបង្ហាញពីការធ្វើឱ្យប្រសើរឡើង 45% ទៅលើ Snapdragon 8 Gen 3។ ដោយវានឹងប្រើដំណើរការ 3nm N3E របស់ TSMC Snapdragon 8 Elite ក៏អាចកាត់បន្ថយការប្រើប្រាស់ថាមពលស៊ីភីយូ 44% និងថាមពល GPU 40% ដើម្បីបង្កើនទាំងដំណើរការ និងប្រសិទ្ធភាពថាមពល។
នេះមានន័យថា realme GT 7 Pro ប្រើប្រាស់បច្ចេកវិទ្យា AI ដើម្បីធ្វើអោយបទពិសោធន៍នៃការលេងហ្គេមកាន់តែប្រសើរឡើង។ ដែលវាមានមុខងារ AI ដូចជា ៖
Gaming Super Resolution ដែលពង្រឹងគុណភាពរូបភាពនៃការលេហ្គេមឲ្យកាន់តែប្រសើរឡើង
AI Gaming Super Frame ដែលអាចលេងហ្គេមបានរហូតដល់ 120 FPS
លក្ខណៈពិសេសទាំងនេះគឺក្រុមហ៊ុនមានគោលបំណងបង្កើនបទពិសោធន៍នៃការលេងហ្គេមឲ្យកាន់តែអស្ចារ្យ ជាពិសេសនៅក្នុងហ្គេមដូចជា Free Fire, BGMI និង Genshin Impact ។
ប្រភព : fonearena