កាលពីយប់ថ្ងៃព្រហស្បតិ៍ ក្រុមហ៊ុន Tesla បានដាក់បង្ហាញរយន្តដែលបើកបរដោយស្វ័យប្រវត្តិរបស់ខ្លួននៅឯស្ទូឌីយ៉ូហូលីវូដមួយនៅក្នុងទីក្រុង LOS ANGELES ។នាយកប្រតិបត្តិ Elon Musk បានឡើងថ្លែងសម្តីនៅទល់មុខមនុស្សជាច្រើនដែលកំពុងរង់ចាំ ដោយលោកបាននិយាយអំពីរយន្តដែលដំណើរការដោយ AI នឹងមានរូបរាងរលោង មិនមានចង្កូតបើក ឬឈ្នាន់អ្វីនោះទេ ។
លោកក៏បានសម្តែងនូវទំនុកចិត្តលើវឌ្ឍនភាពដែលក្រុមហ៊ុនបានធ្វើលើបច្ចេកវិទ្យាបើកបរស្វ័យប្រវត្តិ ដែលធ្វើឱ្យវាអាចទៅរួចសម្រាប់ យានយន្តដែលបើកបរដោយស្វ័យប្រវត្តិដែលមិនចាំបាច់មានមនុស្សបើកផ្ទាល់ឡើយ។ លោក Elon Musk ក៏បាននិយាយថា Tesla រំពឹងថា Cybercabs នឹងមានតម្លៃក្រោម30,000 ដុល្លារ។ គាត់បានប៉ាន់ប្រមាណថារថយន្តនេះនឹងចេញលក់នៅឆ្នាំ 2026។
ក្រុមហ៊ុនក៏រំពឹងថានឹងធ្វើឱ្យបច្ចេកវិទ្យា Full Self-Driving មាននៅលើរថយន្តម៉ូដែល 3 និង Model Y ដ៏ពេញនិយមរបស់ខ្លួននៅក្នុងរដ្ឋ Texas និង California នៅឆ្នាំក្រោយ។នៅក្នុងបទបង្ហាញនេះដែរ គឺត្រូវបានគេដាក់ឈ្មោះថា “We, Robot”ក្នុងព្រឹត្តិការណ៍មួយនេះដែរ លោក Musk ក៏បានបង្ហាញនូវក៏ដូចជាជិះរយន្តដែលមានរូបរាងតូចច្រឡឹង ដែលអាចបើកបរដោយស្វ័យប្រវត្តិទៀតផង ។
លោក Musk ក៏ធ្លាប់បាននិយាយកាលពី 5 ឆ្នាំមុនមកហើយថា រយន្ត Robotaxis ជិតមកដល់ហើយ ដែលអនុញ្ញាតឱ្យក្រុមហ៊ុន Tesla រកលុយបានតាមរយៈការឱ្យរថយន្តរបស់ពួកគេដឹកអ្នកដំណើរដោយស្វ័យប្រវត្តិតែម្តង។
តែទោះបីជាការបង្ហាញរយន្តនេះជាផ្លូវការក៏ដោយ ក៏វាមិនទាន់មានលក់ជាផ្លូវការនោះទេ ដោយក្រុមហ៊ុន Tesla អាចនឹងចេញលក់នៅក្នុងឆ្នាំ 2026 ឯណោះ ដូច្នេះអ្នកគាំទ្ររបស់ Tesla មានតែបង្ខំចិត្តរង់ចាំទៀតប៉ុណ្ណោះ។
ប្រភព : drive