ថ្មីៗនេះក្រុមហ៊ុន Nintendo បានធ្វើឱ្យមនុស្សគ្រប់គ្នាមានការភ្ញាក់ផ្អើលជាមួយនឹងការប្រកាស Alarmo ដែលជាផលិតផលថ្មីរបស់ខ្លួន វាជានាឡិការោទិ៍ដែលនៅក្បែរគ្រែរបស់អ្នក។ Alarmo ក៏បានសន្យាថានឹងធ្វើឱ្យអ្នកប្រើប្រាស់មានអារម្មណ៍ល្អទាំងពេលគេងលក់ និងភ្ញាក់ពីដំណេកដោយក្តីរីករាយ ដែលវាប្រើសំឡេង និងតន្ត្រីដែលល្បីៗ។
ជារៀងរាល់ព្រឹក Alarmo ដាស់អ្នកឱ្យភ្ញាក់ពីដំណេកជាមួយនឹងសំឡេងភ្លេង ឬចម្រៀង ដែលអ្នកចូលចិត្តបំផុតផងដែរ ហើយចំពោះឧបករណ៍ចាប់សញ្ញាចលនា របស់វា ក៏បានបញ្ចេញសំឡេង រាល់ពេដែលអ្នកមានចលនាផ្លាស់ទីនៅលើគ្រែពេលដែលអ្នកកំពុងគេង ។ហើយចំពោះលក្ខណៈពិសេសបំផុតមួយរបស់ Alarmo គឺសំឡេងវាឮកាន់តែខ្លាំងឡើងៗ ប្រសិនបើដល់ម៉ោងកំណត់ហើយអ្នកមិនទាន់ភ្ជាក់ពីដំណេកទៀតនោះ វាការពារក្រែងអ្នកខកដំណេក។
ហើយក្រោយពីអ្នកភ្ជាក់ពីដំណេកវាក៏មានឧបករណ៍ចាប់សញ្ញានៃរាងកាយរបស់អ្នករួចវាក៏ បញ្ចេញសំឡេងប្រគុំតន្រ្តីជ័យជំនះ ដែលវាមានន័យថាដូចជាការសាទរដែលអ្នកយកឈ្មះពីដំណេក វាប្រៀបបាននឹងការសាទរពេលដែលអ្នកទទួលបានជោគជ័យលើអ្វីមួយ។ ហើយ Alarmo ក៏នឹងរួមបញ្ចូលជាមួយសំឡេងហ្គេមចំនួនប្រាំគឺ Super Mario Odyssey , Zelda Breath of the Wild និង Splatoon 3 , Pikmin 4 និង RingFit Adventure នៅពេលដែលអ្នកបើកដំណើរការ។
ជារួមមកឡិកាមួយនេះវាក៏មានអត្ថប្រយោជន៍ច្រើនដល់អ្នកប្រើប្រាស់ ក្នុងការក្រោកពីដំណេកហើយ Nintendo Sound Clock Alarmo ក៏អាចនឹងមានលក់នៅដើមឆ្នាំ 2025 ទោះបីជាកាលបរិច្ឆេទផ្លូវការមិនទាន់ត្រូវបានកំណត់ក៏ដោយ។ហើយសម្រាប់តម្លៃរបស់វាអាចមានតម្លៃ 99.99 ដុល្លារនៅសហរដ្ឋអាមេរិក។
ប្រភព :ceotech