ក្រុមហ៊ុន Honor ប្រកាសចេញនូវនាឡិកាឆ្លាតវៃថ្មីមួយទៀតគឺ Honor Watch 5។ ដែលវានឹងមកស្នងតំណែងរបស់ Honor Watch 4 កាលពីឆ្នាំមុន វាក៏នឹងមានអេក្រង់ធំជាង និងភ្លឺជាងមុន ហើយមានភាពធន់ ថ្មកាន់បានយូរ និងប្រព័ន្ធតាមដានសុខភាពកាន់តែត្រឹមត្រូវ។
នាឡិកា Honor Watch 5 មានអេក្រង់ AMOLED ធំជាង 1.85 អ៊ីញ ជាមួយនឹងកម្រិតភាពច្បាស់ 450 x 390px និងកម្រិតពន្លឺខ្ពស់បំផុត 1,000 nits។
នាឡិកាឆ្លាតវៃនេះត្រូវបានហុំព័ទ្ធដោយស៊ុមអាលុយមីញ៉ូមជុំវិញវា នឹងមានប៊ូតុងបង្វិលសម្រាប់ការគ្រប់គ្រងកាន់តែងាយស្រួល ក៏ដូចជាឧបករណ៍បំពងសម្លេង និងឧបករណ៍ស្រូបសំឡេង សម្រាប់ការហៅតាមប៊្លូធូស។
Watch 5 មានកម្រិត IP68 និងមិនមានការជ្រាបទឹកកម្រិត 5ATM ដូច្នេះអ្នកអាចហែលទឹកបានដោយគ្មានការព្រួយបារម្ភ។ វាក៏បានភ្ជាប់មកជាមួយប្រព័ន្ធ GPS នៅលើឧបករណ៍ផងដែរ។ វាភ្ជាប់ជាមួយប៊្លូធូស 5.2 ជាមួយនឹងទិន័យផ្ទុក 4GB សម្រាប់រក្សាទុកបញ្ជីចាក់តន្ត្រី។ វាក៏បំពាក់មកជាមួយឧបករណ៍ តាមដានសុខភាព នឹង ពិនិត្យមើលសុខភាពយើងបានឆាប់រហ័សផងដែរ។
នឹងមានថាមពលថ្ម 480mAh Silicon-carbon ដែលបង្កើនដង់ស៊ីតេថាមពលរហូតដល់ 21% បើប្រៀបធៀបទៅនឹងថ្មនៅលើនាឡិកា Honor 4 ស៊េរីមុន ដែលដំណើរការដោយ Turbo X Smart Power Managementវាធានាបាននូវការប្រើប្រាស់ប្រកបដោយប្រសិទ្ធភាព ក្រុមហ៊ុន Honor អះអាងថា ថ្មរបស់វាអាចប្រើបានរហូតដល់ 15 ថ្ងៃ។
ដូចគ្នានេះដែរ Honor Watch 5 ក៏មានច្រើនពណ៌សម្រាប់ជ្រើសរើសផងដែរ ហើយចំពោះតម្លៃរបស់វាមិនទាន់បានចេញជាផ្លូវការនោះឡើយ។
ប្រភពៈ GSMArena