បណ្តាលប្រទេស BRICS ដែលរួមមាន ប្រេស៊ីល រុស្ស៊ី ឥណ្ឌា ចិន និងអាហ្វ្រិកខាងត្បូង ដោយពួកគេកំពុងស្វែងរកការបង្កើតរូបិយប័ណ្ណថ្មីដែលគាំទ្រដោយកញ្ចប់រូបិយប័ណ្ណរៀងៗខ្លួន។ ហើយរូបិយប័ណ្ណថ្មីនេះនឹងមានតម្លៃថ្លៃជាងរូបិយប័ណ្ណរបស់អាមេរិកទ្វេដង។
នាពេលថ្មីៗនេះមាន កិច្ចប្រជុំកំពូល BRICS ឆ្នាំ ២០២៤ ដែលប្រព្រឹត្តទៅនៅថ្ងៃទី 22 ដល់ថ្ងៃទី 24 ខែតុលា កន្លងមកនេះនៅទីក្រុង Kazan ប្រទេសរុស្ស៊ី។ បណ្តាប្រទេស BRICS ត្រូវបានគេរំពឹងថានឹងបន្តការពិភាក្សារបស់ពួកគេអំពីការបង្កើតរូបិយប័ណ្ណថ្មីនេះ ដម្បីជំនួសឲ្យការប្រើប្រាក់ដុល្លារអាមេរិក។
ពួកគេមានហេតុផលមួយចំនួនសម្រាប់ការចង់បង្កើតរូបិយប័ណ្ណថ្មីនេះ។ ប្រសិនបើប្រទេស BRICS (ដែលមាន ប្រេស៊ីល រុស្ស៊ី ឥណ្ឌា ចិន និងអាហ្វ្រិកខាងត្បូង) បង្កើតរូបិយប័ណ្ណរួមគ្នារបស់ពួកគេមែន ពួកគេអាចកាត់បន្ថយការពឹងផ្អែកលើប្រាក់ដុល្លារអាមេរិក និងប្រព័ន្ធហិរញ្ញវត្ថុពិភពលោកបច្ចុប្បន្ន ដែលប្រាក់ដុល្លារអាមេរិកត្រូវបានប្រើប្រាស់យ៉ាងខ្លាំងក្នុងពាណិជ្ជកម្មសកល ដែលស្មើនឹង 90% នៃការជួញដូររូបិយប័ណ្ណ។ BRICS ចង់គ្រប់គ្រងកាន់តែច្រើនលើសេដ្ឋកិច្ច នឹងចង់បម្រើផលប្រយោជន៍សេដ្ឋកិច្ចផ្ទាល់ខ្លួនរបស់ពួកគេកាន់តែប្រសើរឡើង និងអនុញ្ញាតឱ្យពួកគេប្រកួតប្រជែងផ្នែកសេដ្ឋកិច្ចដោយឈរជើងស្មើភាពគ្នាជាមួយសហរដ្ឋអាមេរិក និងប្រទេសដទៃទៀត។
តើរូបិយប័ណ្ណ BRICS នឹងចេញនៅពេលណា? មិនទាន់មានកាលបរិច្ឆេទ ច្បាស់លាស់នៅឡើយទេប៉ុន្តែថ្នាក់ដឹកនាំប្រទេសបណ្តាលប្រទេសដែលបានចូលរួម បានពិភាក្សាអំពីលទ្ធភាពជាយូរមកហើយ។ក្នុងអំឡុងពេលនៃកិច្ចប្រជុំកំពូល BRICS លើកទី ដែលបានធ្វើឡើងនៅពាក់កណ្តាលឆ្នាំ 2022 ប្រធានាធិបតីរុស្ស៊ី លោក Vladimir Putin បាននិយាយថា ប្រទេស BRICS គ្រោងនឹងចេញ “រូបិយប័ណ្ណបម្រុងពិភពលោកថ្មី” ហើយត្រៀមខ្លួនជាស្រេចដើម្បីធ្វើការដោយបើកចំហជាមួយដៃគូពាណិជ្ជកម្មទាំងអស់ដោយស្មើភាពគ្នា។
តែផ្ទុយមកវិញ ប្រសិនបើពួកគេបង្កើតពិតមែន វាទំនងជាអាចនឹងជះឥទ្ធិពលយ៉ាងខ្លាំងដល់ប្រាក់ដុល្លារអាមេរិក ដែលអាចនាំឱ្យមានការធ្លាក់ចុះនៃតម្រូវការប្រើប្រាស់។ ផ្ទុយទៅវិញ វានឹងមានផលប៉ះពាល់ដល់សហរដ្ឋអាមេរិក និងសេដ្ឋកិច្ចពិភពលោកផងដែរ។
ប្រភព : nasdaq.com