Xiaomi ទើបតែបង្ហាញ ស៊េរី Xiaomi 15 ដោយពង្រីកជួររបស់ខ្លួនមិនត្រឹមតែនៅក្នុងវិស័យស្មាតហ្វូនប៉ុណ្ណោះទេ ប៉ុន្តែថែមទាំងជាមួយនឹង ថេប្លេត Xiaomi Pad 7 និង Xiaomi Pad 7 Pro ថ្មីផងដែរ ។ ជាមួយនឹងការរចនាដ៏ស្រស់ស្អាតនៃម៉ូដែលថេប្លេតនេះ។
Xiaomi Pad 7 លេចធ្លោសម្រាប់ អេក្រង់ LCD ទំហំ 11.2 អ៊ីញ ជាមួយនឹងកម្រិតភាពច្បាស់ 3.2K ជាមួយនឹង 144 Hz និងពន្លឺ 800 nits ។
វាដំណើរការដោយ Snapdragon 7+ Gen 3 ដែលរួមជាមួយនឹង RAM ទំហំ 8 ឬ 12 GB នៃ LPDDR5X និងអង្គចងចាំខាងក្នុងដែលអាចឡើងដល់ 256 GB នៅលើ UFS 4.0 ធានានូវភាពរលូន និងថាមពលខ្លាំង។
ចំពោះ ថាមពល ថ្ម 8,850 mAh ជាមួយនឹងសាកថ្មលឿន 45W ធានានូវការប្រើប្រាស់បានយូរ ដោយមិនចាំបាច់បញ្ចូលថ្មញឹកញាប់។ បើនិយាយពីការតភ្ជាប់ ថេប្លេតនេះគាំទ្រ Wi-Fi 6 និង Bluetooth 5.4។ ចំពោះផ្នែកកាមេរ៉ារបស់វា ខាងក្រោយមានទំហំ 13MP និង ខាងមុខ 8 MP។
សម្រាប់ Xiaomi Pad 7 Pro បង្កើនបទពិសោធន៍បន្ថែមទៀត។ ថាមពលខ្លាំងវាដំណើរការដោយ Snapdragon 8s Gen 3 ។ នឹងមានអង្គចងចាំរហូតដល់ 512 GB ដោយរក្សាបាននូវ RAM 8 ឬ 12 GB ដែលអាចឲ្យយើងដំណើរ ការច្រើនបានយ៉ាងរលូន និងគ្មានការរំខាន។
ចំពោះផ្នែកកាមេរ៉ា ក៏មានការកែលម្អខ្លះដែរ កាមេរ៉ាខាងក្រោយវាមានទំហំ 50 MP ខណៈដែលផ្នែកខាងមុខមាន 32 MP ។ នឹងភ្ជាប់មកជាមួយថាមពលថ្ម 8,850 mAh ដែល Pro គាំទ្រការសាកថ្មលឿនជាងមុន រហូតដល់ទៅ 67W ដែលផ្តល់នូវការសាកពេញក្នុងរយៈពេលតិច។
ការតភ្ជាប់របស់ Pro ត្រូវបានធ្វើឱ្យប្រសើរឡើងជាមួយនឹងការគាំទ្រសម្រាប់ Wi-Fi 7 និង Bluetooth 5.4។ ដោយថេប្លេតទាំងពីរក៏ត្រូវបានដំណើរការដោយ ប្រព័ន្ធប្រតិបត្តិការ Android 15 និង HyperOS 2.0 ថ្មីផងដែរ។
ប្រភព : ceotech