កាលពីពេលថ្មីៗនេះមានការផ្ទុះរថយន្ត Tesla Cybertruck ដែលបានគេគិតថារថយន្តនេះបានផ្ទុកទៅដោយកំប៉ុងព្រេងនិងកាំជ្រួចដែលបានផ្ទុះនៅខាងក្រៅសណ្ឋាគារ Trump ក្នុងទីក្រុង Las Vegas ដោយបានសម្លាប់អ្នកបើកបរ និងប្រាំពីរនាក់ផ្សេងទៀតរងរបួស។ដោយមកដល់រសៀលថ្ងៃពុធអាជ្ញាធរក៏បានយកសាកសព្វចេញពីរថយន្តTesla Cybertruck និងប្រមូលភស្តុតាងពីខាងក្នុងរថយន្តផងដែរ។
លោក Jeremy Schwartz ដែលជាភ្នាក់ងារពិសេសនៃ FBI នៅ Las Vegas បាននិយាយថា “គោលដៅទី1គឺត្រូវតែកំណត់អត្តសញ្ញាណឲ្យបានត្រឹមត្រូវចំពោះឧប្បត្តិហេតុនេះហើយគោលដៅទី2គឺធ្វើយ៉ាងណាកំណត់ឲ្យដឹងថាតើ នេះជាអំពើភេរវកម្មឬមួយក៏មិនមែន។
ក្រោយពីហេតុការណ៍នេះកើតឡើង លោក Sheriff McMahill បាននិយាយថា តាមវីដេអូពីស្ថានីយ៍សាកថ្ម Tesla បានបញ្ជាក់ថារថយន្ត Tesla Cybertruck នេះបានមកដល់ទីក្រុង Las Vegas នៅម៉ោងប្រហែល 7:30 ព្រឹក ហើយបានបើកចូលទៅក្នុងតំបន់ valet នៃសណ្ឋាគារ Trump International Hotel មួយម៉ោងក្រោយមក ជាកន្លែងដែលរថយន្តនេះបានឈប់ វាក៏មានការផ្ទុះតែម្តង។
បន្ទាប់ពីមានការផ្ទុះមួយនេះ លោក Elon Musk ដែលជាស្ថាបនិករថរន្ត Tesla បាននិយាយនៅរសៀលថ្ងៃពុធនៅលើ X ថាការផ្ទុះនេះគឺបណ្តាលមកពីកាំជ្រួចដ៏ធំឬគ្រាប់បែកដែលដាក់នៅលើកៅអីនៃ Cybertruck ជួលនេះ ដោយវាមិនទាក់ទងឬមកពីបញ្ហារថយន្តខ្លួនទេ លោកក៏បានបញ្ជាក់ថាតេឡេម៉ែត្ររថយន្តទាំងអស់មានភាពវិជ្ជមាននៅពេលផ្ទុះ។
តែទោះជាយ៉ាងណាអាជ្ញាធរនៅ Las Vegas ក៏កំពុងបន្តស៊ើបអង្កេតអំពីរឿងដែលបានកើតឡើងនេះដែរ។
ប្រភព : apnews