ក្រោយពី Samsung បានដាក់បង្ហាញជាផ្លូវការនូវស៊េរី Galaxy S25 ថ្មី រួចហើយSamsung ក៏បានបង្ហាញវែនតាឆ្លាតវៃជាមួយនឹងទូរស័ព្ទបត់ផងដែរ។
Samsung បានបង្ហាញប្រព័ន្ធ Android XR ដែលត្រូវបានបង្កើតឡើងដោយសហការជាមួយ Google ពួកគេបានបង្ហាញពីការរចនារបស់ Galaxy XR ដែលវាជាវែនតាឆ្លាតវៃ ប៉ុន្តែក្រុមហ៊ុនមិនបានប្រាប់
ពីមុខងារអ្វីពី XR នេះច្រើននោះទេ។
វែតាឆ្លាតវៃ Galaxy XR នេះក៏នឹងបំពាក់នូវបន្ទះឈីប Snapdragon XR2+ Gen 2 របស់ក្រុមហ៊ុន Qualcomm ជាមួយនឹងការរួមបញ្ចូលយ៉ាងស៊ីជម្រៅនៃ AI ផ្ទាល់ខ្លួន ដើម្បីផ្តល់នូវបទពិសោធន៍អ្នកប្រើប្រាស់កម្រិតខ្ពស់ និងប្រកបដោយភាពច្នៃប្រឌិត។
ជាមួយនឹងទូរស័ព្ទបត់ក៏ត្រូវបានបង្ហាញឲ្យឃើញពីគំរូររូបរាងរបស់វាផងដែរ ប៉ុន្តែមិនមានព័ត៌មានលម្អិតជាច្រើនត្រូវបានបង្ហាញអំពីវានោះទេ។ យ៉ាងណាទូរស័ព្ទនេះវានៅតែជាអាថ៌កំបាំង ទោះបីជាវាអាចត្រូវបានកំណត់គោលដៅសម្រាប់ទីផ្សារដូចជាកូរ៉េខាងត្បូង និងចិន ជាមួយនឹងការចេញផ្សាយដែលអាចកើតមាននៅឆ្នាំ 2025 ក៏ដោយ ។ Samsung មិនទាន់បានចែករំលែកព័ត៌មានលម្អិតអំពីមុខងារផ្សេងនឹងអ្វីដែលមាននៅលើទូរស័ព្ទបត់នេះឡើយ។ ដូច្នេះយើងនឹងត្រូវរង់ចាំព័ត៌មានបន្ថែម ឧបករណ៍ទាំងពីរប្រកាសជាផ្លូវការ។
ប្រភព: ceotech