កាលពីប៉ុន្មានថ្ងៃមុន YouTube បានប្រកាសការពីការអាប់ដេតថ្មីសម្រាប់ YouTube Shorts ហើយក្រុមហ៊ុន YouTube បានប្រកាសថាចាប់ពីថ្ងៃទី 15 ខែតុលា ឆ្នាំ 2024 តទៅ YouTube នឹងបង្កើនរយៈពេលដែលអាចបង្ហោះវីដេអូនៅក្នុង YouTube Shorts ពី 60 វិនាទីទៅ 3 នាទី។
ការផ្លាស់ប្តូរនេះគឺវាអនុញ្ញាតឱ្យមានភាពល្អប្រសើរជាមុន ហើយសម្រាប់វីដេអូដែលបានបង្ហោះមុនថ្ងៃ 15 ខែតុលា នេះគឺវាមិនមានផលប៉ះពាល់អ្វីឡើយ។ ឥឡូវនេះដែរ អ្នកប្រើប្រាស់ក៏អាចជ្រើសរើសស៊ុមរូបភាពតូចពី Shorts បានទាំងនៅលើ Android និង IOS។ លើសពីនេះ យើងក៏អាចបន្ថែមអត្ថបទនៅពេលបង្កើត Shorts ។
មួយវិញទៀតShortsក៏មានគំរូស្រាប់ដែលជាការងាយស្រួលដល់អ្នកប្រើប្រាស់ក្នុងការMix វីដេអូបញ្ចូលគ្នាតែមួយដែលអាចកែប្រែវីដេអូឲ្យកាន់តែទាក់ទាញ។ YouTubeក៏បើកឲ្យចូលប្រើដោយអាចថតវីដេអូចេញផ្ទាល់ពីកាមេរ៉ា Shorts បាន ហើយក៏អាចថតចម្លងវីដេអូនិងតន្រ្តីបានផងដែរ។
YouTube ក៏គ្រោងនឹងណែនាំគំរូ វីដេអូ របស់ Google DeepMind ដែលអាចឱ្យអ្នកអ្នកប្រើកែលម្អផ្ទៃខាងក្រោយរបស់វីដេអូបានយ៉ាងប្រសើរ នៅចុងឆ្នាំនេះ។ YouTube Shorts គ៏អាចជួយអ្នកប្រើប្រាស់ដើម្បីស្វែងរកមាតិកាពេញនិយមនៅក្នុងប្រទេស បានយ៉ាងឆាប់រហ័ស ។
យ៉ាងណាក៏វាជាការល្អប្រសើរសម្រាប់អ្នកចូលចិត្តបង្ហោះវីដេអូនៅក្នុង YouTube Shorts មួយនេះ។
ប្រភព :fonearena