Realme ត្រៀមខ្លួនជាស្រេចក្នុងការវិលត្រឡប់មកវិញជាមួយនឹងស្មាតហ្វូនកម្រិតមធ្យមដែលមានសមត្ថភាពខ្ពស់ថ្មីគឺ realme GT Neo 7 ។ បន្ទាប់ពីការចេញលក់ ម៉ូដែល GT Neo 6 និង GT Neo 6 SE នៅដើមឆ្នាំនេះ។ ក្រុមហ៊ុនកំពុងរៀបចំចេញនូវស្មាតហ្វូនស៊េរីថ្មីរបស់ខ្លួនក្នុងពេលឆាប់ៗ។
យោងតាមការលេចធ្លាយ Smart Pikachu បានឱ្យ ដឹងថា realme GT Neo 7 នឹងត្រូវបានបំពាក់ដោយ អេក្រង់រាបស្មើ ដែលត្រូវបានរចនាឡើងដើម្បីកែលម្អជាមួយនឹងឲ្យការលេងហ្គេមបានកាន់តែរលូន។ វាប្រហែលបំពាក់អេក្រង់ OLED ដែលអាចមើលបានច្បាស់កម្រិត 1.5K ដែលធានានូវពណ៌ឌិតបានល្អជាមួយនឹង គុណភាពរូបភាពល្អបើប្រៀបធៀបទៅនឹងម៉ូដែលមុនៗ។
realme GT Neo 7 នឹងត្រូវបានបំពាក់ដោយកំណែ overclocked នៃ Snapdragon 8 Gen 3 លើសពីនេះ យោងតាមអ្វីដែលលេចធ្លាយ ស្មាតហ្វូននេះនឹងគាំទ្រ ការសាកថ្មលឿន 100W ។
លើសពីនេះ យោងតាម Digital Chat Station សម្រាប់ realme GT Neo 7 និងគូប្រជែងរបស់ខ្លួននឹងទាក់ទាញអ្នកប្រើប្រាស់ដែលចាប់អារម្មណ៍លើ អេក្រង់ដែលមានគុណភាពខ្ពស់ ដំណើរការបន្ទះឈីបល្អ និង ថាមពល ថ្មដ៏ល្អឥតខ្ចោះ។ទោះជាយ៉ាងណាក៏ដោយ ម៉ូដែលទាំងនេះទំនងជាមិនផ្តោតលើបច្ចេកវិទ្យាកាមេរ៉ាខ្លាំងពេកនោះទេ ដោយវាអាចផ្តោតទៅលើមុខងារទូទៅខ្លាំងជាង ។realme GT Neo 7 ក៏នឹងបច្ចេញមកជាមួយនឹងប្រព័ន្ធដំណើរការដែលមានថាមពលខ្លាំង អេក្រង់មានគុណភាពខ្ពស់ និងការសាកថ្មលឿនបំផុតផងដែរ។
ទាំងនេះបង្ហាញថាម៉ាកយីហោចិនកំពុងផ្តោតយ៉ាងខ្លាំងលើមុខងារនឹងប្រព័ន្ធដំណើរការក៏ដូចជាធ្វើឲ្យល្អទៅលើការលេងហ្គេម ជាង។ ដែលធ្វើឱ្យ GT Neo 7 ជាជម្រើសដ៏គួរឱ្យចាប់អារម្មណ៍សម្រាប់អ្នកលេងហ្គេម។ គួរឲ្យដឹងដែលថាទាំងនេះគឺជាពត៌មានលេចធ្លាយប៉ុណ្ណោះក្រុមហ៊ុនក៏មិនបានបញ្ជាក់អ្វីច្រើនដែររង់ចាំមើលការចេញជាផ្លូវការនាពេលខាងមុខ។
ប្រភព :ceotech