ថ្មីៗនេះដែលបើយោងតាមការបង្ហាញពី Weibo របស់ប្រទេសចិនបាននិយាយអំពីតម្លៃរបស់ Kirin 9100 និង Dimensity 9400 ដែលវាមានតម្លៃខុសគ្នា ។
ឥឡូវសម្រាប់តម្លៃបន្ទះឈីប Snapdragon 8 Gen 4 របស់ក្រុមហ៊ុន Qualcomm ត្រូវបានគេរាយការណ៍ថាមានតម្លៃប្រមាណ 190 ដុល្លារហើយ Kirin 9100 វាមានតម្លៃប្រហែល 157 ទៅ 186 ដុល្លារ ខណៈដែល MediaTek’s Dimensity 9400 មានតម្លៃទាបជាងគេបន្តិចគឺ 155 ដុល្លារ។ ប្រសិនបើពាក្យចចាមអារ៉ាមពី Kirin 9100 ក្លាយជាការពិត វានឹងមានភាពល្អប្រសើរជាមួយនឹងដៃគូប្រកួតប្រជែងរបស់ពួកគេទាក់ទងនឹងតម្លៃ។
ក្រុមហ៊ុនផលិតបន្ទះឈីប SMIC ដែលមានមូលដ្ឋាននៅប្រទេសចិន ត្រូវបានគេរាយការណ៍ថាកំពុងតែអភិវឌ្ឍដំណើរការ 5nm ហើយត្រូវបានគេរំពឹងថានឹងផលិតបន្ទះឈីប Kirin 9100 ជំនាន់បន្ទាប់របស់ក្រុមហ៊ុន Huawei ។ ទោះបីជាយ៉ាងណាក៏ដោយ របាយការណ៍កាលពីខែកក្កដាក៏បានបង្ហាញថាក្រុមហ៊ុនSMIC កំពុងប្រឈមនឹងបញ្ហាទិន្នផល និងតម្លៃផលិតជាមួយនឹង 5nm ដូច្នេះ Kirin 9100 នៅតែអាចជាបន្ទះឈីប 7nm ដដែល ។
ជាលទ្ធផល Kirin 9100 វានឹងពិបាកសម្រាប់ ការប្រជែងនឹងដំណើរ ចុងក្រោយបំផុតរបស់ Qualcomm ឬ MediaTek ។ ទោះជាយ៉ាងណាក៏ដោយ Kirin 9100 ត្រូវបានគេរាយការណ៍ថា នូវតែអាចប្រៀបធៀបជាមួយនឹង Snapdragon 8 Gen 2 របស់ Qualcomm បាន។ ម្យ៉ាងវិញទៀតសម្រាប់Mate 70 របស់ Huawei នាពេលខាងមុខ ត្រូវបានគេរំពឹងថានឹងដំណើរការដោយបន្ទះឈីប Kirin 9100។ របាយការណ៍ពីមុនបានបង្ហាញថា បន្ទះឈីបនេះក៏អាច ដំណើរការបានប្រសើរជាង Snapdragon 8 Gen 2 របស់ក្រុមហ៊ុន Qualcomm។
ប្រភព : Gizmochina