ក្រុមហ៊ុន Apple បានធ្វើការវិនិយោគចំនួន 1.5 ពាន់លានដុល្លារនៅក្នុងក្រុមហ៊ុន Globalstar ដែលនឹងទទួលបានភាគហ៊ុន 20% ផងដែរ។ ដើម្បីគាំទ្រដល់ការបង្កើតបណ្តាញសេវាផ្កាយរណបចល័ត (MSS) កិច្ចសហការនេះ ត្រូវបានបង្ហាញជាលើកដំបូងនៅក្នុងខែវិច្ឆិកា ឆ្នាំ 2022 នឹងប្រើប្រាស់រ៉ុក្កែត SpaceX ដើម្បីបាញ់បង្ហោះផ្កាយរណប។ ឯកសារ SEC ថ្មីៗនេះបានបញ្ជាក់ថា Apple ឥឡូវនេះកាន់កាប់ 20% លើក្រុមហ៊ុន Globalstar ដែលបង្កើតឡើងជាពិសេសសម្រាប់គម្រោងនេះ។
ក្រុមហ៊ុន Apple បានបណ្តាក់ទុនចំនួន 1.5 ពាន់លានដុល្លារនៅក្នុងក្រុមហ៊ុន Globalstar ដើម្បីជួយផ្តល់ការផ្គត់ផ្គង់ដល់ក្រុមផ្កាយរណបចល័តជំនាន់ក្រោយ(MSS)និងជួកាត់បន្ថយចំណាយ របស់ Globalstar ហើយគេនឹងប្រើប្រាស់រ៉ុក្កែត SpaceX សម្រាប់ការបាញ់បង្ហោះផ្កាយរណប ពង្រឹងទីតាំងរបស់ក្រុមហ៊ុន Apple ក្នុងបច្ចេកវិទ្យាផ្កាយរណប និងគាំទ្រដល់ក្រុមហ៊ុន Globalstar ថែមទៀត ។
នេះមានន័យថា Apple កំពុងបន្តពង្រឹងភាពជាដៃគូរបស់ខ្លួនជាមួយ Globalstar ដែលនឹងផ្តល់បណ្តាញផ្កាយរណបដល់ក្រុមហ៊ុន Apple ។ ការបង់ប្រាក់ជាមុនរបស់ Apple ចំនួន 1.1 ពាន់លានដុល្លារ នឹងជួយ Globalstar គ្របដណ្តប់លើការចំណាយសម្រាប់ការពង្រីកបណ្តាញរបស់ខ្លួន រួមទាំងការបង្កើតផ្កាយរណបថ្មី និងការសងបំណុលមួយចំនួន។
ការសហការនេះនឹងជួយពង្រឹងសមត្ថភាពរបស់ Globalstar ក្នុងការផ្តល់សេវាផ្កាយរណបចល័ត ចុងក្រោយនឹងផ្តល់អត្ថប្រយោជន៍ដល់ផលិតផល និងសេវាកម្មរបស់ក្រុមហ៊ុន Apple ដែលពឹងផ្អែកលើផ្កាយរណបនេះតែម្តង។
នេះក៏មានន័យថាការវិនិយោគ 400 លានដុល្លាររបស់ Apple គឺទទួលបាននូវកម្មសិទ្ធិ 20% នៃ Globalstar Licensee LLC ដែលគ្រប់គ្រងបណ្តាញផ្កាយរណបរបស់ Globalstar ។ បន្ទាប់ពីកិច្ចព្រមព្រៀងនេះ ប្រធានក្រុមហ៊ុនលោក Jay Monroe នៅក្នុងក្រុមហ៊ុនបានធ្លាក់ចុះពី 55.65% មក 44.52% ប៉ុន្តែគាត់នៅតែអាចកាន់កាប់ច្រើនជាងពាក់កណ្តាល ដែលអនុញ្ញាតឱ្យគាត់ធ្វើការសម្រេចចិត្តសំខាន់ៗ បានដដែល។
នេះមានន័យថា ក្រោមកិច្ចព្រមព្រៀងថ្មីរវាង Apple និង Globalstar ក្រុមហ៊ុន SpaceX នឹងបាញ់បង្ហោះផ្កាយរណបថ្មី ដែលជាផ្នែកមួយនៃផែនការរបស់ Globalstar ដើម្បីពង្រីកបណ្តាញផ្កាយរណបរបស់ខ្លួន (បណ្តាញពង្រីក MSS Network) ការពង្រីកបណ្តាញនេះគឺមានសារៈសំខាន់សម្រាប់ការធ្វើឱ្យប្រសើរឡើងនូវការតភ្ជាប់ផ្កាយរណប ដែលគាំទ្រមុខងារផ្អែកលើផ្កាយរណបរបស់ក្រុមហ៊ុន Apple
ផ្កាយរណបថ្មីរបស់ Globalstar នឹងកែលម្អលក្ខណៈពិសេសរបស់ផ្កាយរណប iPhone ដែលអនុញ្ញាតឱ្យមានការតភ្ជាប់ស្មាតហ្វូនកាន់តែប្រសើរឡើងតាមរយៈផ្កាយរណបនៅក្នុងគន្លងផែនដីទាប (LEO) ។
ប្រភព : wccftech