Galaxy S25 Ultra ដែលជាស្មាតហ្វូនកំពូលនាពេលខាងមុខរបស់ Samsung ត្រូវបានគេរំពឹងថានឹងបង្ហាញខ្លួននៅក្នុងខែ មករា ឆ្នាំ 2025។ រូបភាពដែលលេចធ្លាយនាពេលថ្មីៗនេះបង្ហាញពីការរចនាដ៏ទំនើប ដែលមានរាងសំប៉ែត ជាមួយនឹងរូបរាងស្ដើង និងទាន់សម័យ។
Galaxy S25 Ultra ដែលរំពឹងថានឹងបង្ហាញខ្លួននៅខែមករា ឆ្នាំ 2025 គឺជាពត៌មានមួយដែលគ្រប់គ្នាទន្ទឹងចាំមើលពីការចនារបស់ក្រុមហ៊ុន Samsung ទៅកាន់ S25 Ultra។
តួយ៉ាងណាមិញតាមការលេចធ្លាយចុងក្រោយបង្អស់របស់ Galaxy S25 Ultra បានបង្ហាញពីជម្រើសពណ៌សំខាន់ៗចំនួន 4 គឺពណ៌ Titanium Black, Titanium Blue, Titanium Gray និង Titanium Silver។
ការលេចធ្លាយនេះក៏បានបង្ហាញពីការរចនានៃរូបរាង ដោយវាបង្ហាញគែមរាបស្មើនៅលើអេក្រង់ ស៊ុម និងខាងក្រោយរបស់វា ដែលជាការផ្លាស់ប្តូរពីការចនាគែមកោងធម្មតារបស់ Samsung។ ការផ្លាស់ប្តូរការរចនានេះក៏បង្ហាញពីការកើនឡើងនៅក្នុងស៊េរី Galaxy S ដែលឆ្ពោះទៅរករូបរាងស្អាត រាងការ៉េ និងតូចបំផុត។
ហើយ Galaxy S25 Ultra ត្រូវបានគេរំពឹងទៀតថានឹងមានរាងស្តើងជាងម៉ូដែលមុនបន្តិច ដែលនឹងរួមចំណែកដល់រូបរាងរបស់វាឲ្យកាន់តែរលោង និងស្រស់ប្រណិតជាងមុន។
ប្រភព : ceotech