ចាប់តាំងពីរដូវក្តៅមក ក្រុមហ៊ុន Nvidia, Apple និង Microsoft បាននឹងកំពុងប្រកួតប្រជែងគ្នាដើម្បីដណ្តើមតំណែងក្រុមហ៊ុនដ៏មានតម្លៃបំផុតរបស់ពិភពលោក។ ភាគហ៊ុនរបស់ Nvidia បានកើនឡើងកាលពីថ្មីៗនេះ ដោយជំរុញឱ្យក្រុមហ៊ុនផលិតបន្ទះឈីបនេះចូលទៅក្នុងចំណាត់ថ្នាក់កំពូលនៅក្នុងបញ្ជីក្រុមហ៊ុនដែលមានតម្លៃបំផុតរបស់ពិភពលោក។
កាលពីថ្មីៗនេះ ភាគហ៊ុនរបស់ Nvidia (NVDA) បានកើនឡើងជាបណ្ដោះអាសន្ន ដែលធ្វើឱ្យវាក្លាយជាក្រុមហ៊ុនដ៏មានតម្លៃបំផុតនៅក្នុងពិភពលោក ដោយវ៉ាដាច់ Appleផងដែរ។
នេះមានន័យថាតម្លៃភាគហ៊ុនរបស់ Nvidia បានកើនឡើង 2.6% ដែលបង្កើនតម្លៃទីផ្សារសរុបរបស់ខ្លួនដល់ជាង 3.4 ពាន់ពាន់លានដុល្លារ ដែលនាំមុខបន្តិចនៃតម្លៃទីផ្សាររបស់ Apple ដែលមានត្រឹម 3.37 ពាន់ពាន់លានដុល្លារប៉ុណ្ណោះ។ ភាគហ៊ុនរបស់ក្រុមហ៊ុន Apple បានធ្លាក់ចុះ បន្ទាប់ពីបានជួបប្រទះការធ្លាក់ចុះកាលពីសប្តាហ៍មុន ដោយសារតែការលក់បច្ចេកវិទ្យាកាន់តែទូលំទូលាយ និងការចុះខ្សោយ។
នេះមានន័យថា Nvidia, Apple និង Microsoft បាននឹងកំពុងប្រកួតប្រជែងគ្នាតាំងពីរដូវក្តៅមកម្ល៉េះ ដើម្បីក្លាយជាក្រុមហ៊ុនដ៏មានតម្លៃបំផុតរបស់ពិភពលោក Nvidia ត្រូវបានបញ្ចូលទៅក្នុង Dow Jones Industrial Average (DJIA) កាលពីថ្ងៃសុក្រ ដោយជំនួសក្រុមហ៊ុនផលិតបន្ទះឈីប Intel។
នៅដើមឆ្នាំ តម្លៃទីផ្សាររបស់ Nvidia គឺ 1.2 ពាន់លានដុល្លារ ដែលតូចជាង Apple និង Microsoft ។ ទោះជាយ៉ាងណាក៏ដោយតម្រូវការសម្រាប់បច្ចេកវិទ្យា AI បាននាំឱ្យមានការកើនឡើងយ៉ាងឆាប់រហ័សនៃតម្លៃភាគហ៊ុនរបស់ Nvidia ។ ក្រុមហ៊ុនបច្ចេកវិទ្យាធំៗដូចជា Microsoft, Amazon, Google និង Meta កំពុងចំណាយប្រាក់យ៉ាងច្រើន រាប់រយពាន់លានដុល្លារ លើហេដ្ឋារចនាសម្ព័ន្ធដែលត្រូវការសម្រាប់ AI ដែលភាគច្រើនពាក់ព័ន្ធនឹងការទិញបន្ទះឈីប និងម៉ាស៊ីនមេរបស់ Nvidia ដើម្បីអភិវឌ្ឍ។
បើនិយាយទៅភាគហ៊ុនរបស់ Nvidia បានធ្លាក់ចុះ 25% នៅពាក់កណ្តាលខែកក្កដា ដោយសារតែការភ័យខ្លាចនៃការធ្លាក់ចុះសេដ្ឋកិច្ច ការផ្លាស់ប្តូរទៅកាន់ភាគហ៊ុនតូចៗ និងការព្រួយបារម្ភអំពីការចំណាយ AI ដែលមិនស្ថិតស្ថេរ។ ទោះជាយ៉ាងណាក៏ដោយ ភាគហ៊ុនបានចាប់ផ្តើមកើនឡើងម្តងទៀត ដោយបន្តនិន្នាការកើនឡើងដ៏ខ្លាំងរបស់ខ្លួននាពេលថ្មីៗនេះផងដែរ។
ប្រភព : investopedia