ការកើនឡើងនៃតម្លៃ Bitcoin បន្ទាប់ពីការប្រកាសការជាប់ឆ្នោតរបស់ប្រធានាធិបតី Donald Trump ហើយលោកក៏បានតែងតាំងលោក Paul Atkins ដើម្បីដឹកនាំគណៈកម្មការមូលបត្រអាមេរិក (SEC) ។ ការតែងតាំងនេះត្រូវបានគេមើលឃើញថាជាការអភិវឌ្ឍន៍វិជ្ជមានសម្រាប់ទីផ្សាររូបិយប័ណ្ណគ្រីបតូ។
ហើយតម្លៃរបស់ Bitcoin ក៏បានកើនឡើងដោយសារតែអ្នកវិនិយោគបានរំពឹងថានឹងមានភាព ច្បាស់លាស់ជាងមុនសម្រាប់រូបិយប័ណ្ណគ្រីបតូ ហើយរដ្ឋាភិបាលក៏កាន់តែគាំទ្រដល់គ្រីបតូ បន្ទាប់ពីការបោះឆ្នោតរបស់លោក Trump ឈ្នះ។ ការរំពឹងទុកនេះបាននាំឱ្យមានការវិនិយោគកាន់តែច្រើននៅក្នុង Bitcoin ក៏ដូចជានៅក្នុងគ្រីបតូផងដែរ។
ម្យ៉ាងទៀត Bitcoin កើនឡើងដោយសារតែអ្នកវិនិយោគទាំងអស់សង្ឃឹមថារដ្ឋាភិបាលថ្មីនឹងចាត់វិធានការវិជ្ជមានដូចជាការបង្កើតក្រុមប្រឹក្សាដើម្បីផ្តល់ប្រឹក្សាលើរូបិយប័ណ្ណគ្រីបតូ និងអាចបង្កើតទុនបម្រុងនៃ Bitcoin ។ ការតែងតាំងលោក Paul Atkins ជាប្រធាន SEC ត្រូវបានចាត់ទុកថាជាដំណឹងល្អសម្រាប់ឧស្សាហកម្មគ្រីបតូ ជាពិសេសបន្ទាប់ពីលោក Gary Gensler ដែលជាប្រធានបច្ចុប្បន្នបានប្រកាសថាគាត់នឹងចុះចេញពីតំណែង។
ប្រភព : cbsnews