Apple គ្រោងនឹងចូលមកជំនួស Qualcomm ដែលជាអ្នកផ្គត់ផ្គង់ម៉ូដឹមរបស់ខ្លួនក្នុងរយៈពេល 3 ឆ្នាំខាងមុខ ដោយផ្លាស់ប្តូរបន្តិចម្តងៗទៅម៉ូដឹម 5G ផ្ទាល់ខ្លួនសម្រាប់ iPhone និង iPad ។ iPhone SE 4 និង iPhone 17 Air នឹង ក្លាយជា ឧបករណ៍ដំបូងគេ ដែលបំពាក់ម៉ូដឹមថ្មីទាំង នេះដោយ Apple កំពុងធ្វើការលើជម្រើសបីផ្សេងគ្នា។ សម្រាប់ម៉ូដឹម 5G ដំបូងរបស់ Apple ដែលនឹងចេញនៅឆ្នាំក្រោយ វាមិនមានឥទ្ធិពលខ្លាំងដូចម៉ូដឹមរបស់ក្រុមហ៊ុន Qualcomm នោះទេ។ វានឹងត្រូវបានប្រើនៅក្នុងឧបករណ៍ដែលមានតម្លៃសមរម្យដូចជា iPhone SE 4, iPhone 17 Air និង iPads។
ម៉ូដឹម 5G ចេញនៅឆ្នាំក្រោយនេះគឺវាមិនប្រើបច្ចេកវិទ្យា mmWave 5G លឿនជាងមុននោះទេ។ ទោះជាយ៉ាងណាក៏ដោយ វានឹងកាន់តែមានប្រសិទ្ធភាពថាមពល ភ្ជាប់ទៅបណ្តាញកាន់តែមានប្រសិទ្ធភាព និងគាំទ្រការភ្ជាប់ផ្កាយរណប ដែលទាំងអស់នេះដោយសារតែការរួមបញ្ចូលយ៉ាងជិតស្និទ្ធជាមួយបន្ទះឈីបផ្ទាល់របស់ក្រុមហ៊ុន Apple។ ម៉ូដឹម 5G ផ្ទាល់ខ្លួនដែលចេញនៅឆ្នាំ 2026 របស់ Apple នឹងគាំទ្រ mmWave ដែលមាននៅក្នុង iPhone 18 Pro និង iPad Pro ដែលជាម៉ូដែលកម្រិតខ្ពស់។ ម៉ូដឹមទាំងនេះនឹងផ្តល់ល្បឿនរហូតដល់ 6 Gbps និងមុខងារប្រសើរឡើង ដោយដាក់ពួកវាជាគូប្រជែងខ្លាំងចំពោះម៉ូដឹមរបស់ក្រុមហ៊ុន Qualcomm។
ក្រុមហ៊ុន Apple ក៏មានគោលបំណងកាត់បន្ថយការពឹងផ្អែករបស់ខ្លួននៅលើក្រុមហ៊ុន Qualcomm ដែលមួយផ្នែកដោយសារតែតម្លៃខ្ពស់នៃបន្ទះឈីបម៉ូដឹម ហើយមើលឃើញថានេះជាការចាប់ផ្តើមដ៏ជោគជ័យមួយ។
យ៉ាងណាចាំមើលថាតើ Apple នឹងវ៉ាដាច់ Qualcomm ក្នុងដំណើរការម៉ូដឹមនៅឆ្នាំក្រោយ។ ព័ត៌មានលម្អិតបន្ថែមអំពីម៉ូដឹម 5G ផ្ទាល់ខ្លួនរបស់ Apple នឹងត្រូវបានចែករំលែកដូចតទៅ។
ប្រភព : wccftech