ថ្មីៗនេះ ក្រុមហ៊ុន HONOR បានបញ្ជាក់ថា ខ្លួននឹងបង្ហាញទូរស័ព្ទលេងហ្គេមស៊េរី HONOR GT នៅក្នុងប្រទេសចិននៅថ្ងៃទី 16 ខែធ្នូ បន្ទាប់ពី HONOR X50 GT ដែលត្រូវបានបង្ហាញកាលពីដើមឆ្នាំនេះ។
វានឹងមកជាជម្រើសអង្គផ្ទុកទិន្នន័យចំនួន 4 គឺ 12GB RAM + 256GB storage, 12GB RAM + 512GB storage, 16GB RAM + 512GB storage និង 16GB RAM + 1TB storage។
ទូរស័ព្ទនេះមានអេក្រង់ទំហំ 6.7 អ៊ីង 1.5K LTPS ដំណើរការ Snapdragon 8 Gen 3 និងប្រព័ន្ធបញ្ចេញកំដៅ។ ក្រុមហ៊ុនបានបញ្ជាក់ថា ទូរសព្ទនេះនឹងមានអេក្រង់ការពារភ្នែក AI Oasis gaming screen។
នេះមានន័យថាទូរស័ព្ទនឹងមានអេក្រង់សម្រាប់លេងហ្គេមពិសេសដែលត្រូវបានរចនាឡើងដើម្បីកាត់បន្ថយការឈឺភ្នែកអំឡុងពេលលេងហ្គេម។ ជាពិសេសអេក្រង់ហ្គេមការពារភ្នែក AI Oasis នេះបង្ហាញថាអេក្រង់នឹងប្រើបច្ចេកវិទ្យា AI ដើម្បីការពារភ្នែករបស់អ្នកអំឡុងពេលប្រើប្រាស់យូរដែលទំនងជាកាត់បន្ថយភាពតានតឹងនិងមានអារម្មណ៍ល្អក្នុងការប្រើប្រាស់។
ដោយវាក៏បំពាក់មកជាមួយកាមេរ៉ាគោលទំហំ 50MP ជាមួយនឹង OIS កាមេរ៉ាទំហំ 12MP ultrawide និងថាមពលថ្ម 5300mAh ជាមួយនឹងបច្ចេកវិទ្យាសាកថ្មលឿន 100W។
វាក៏មានបីពណ៌គឺ Phantom Black, Ice Crystal White និង Aurora Green។
ប្រភព : fonearena