Huawei Nova 13 និង 13 Pro ដែលត្រូវបានណែនាំដំបូងនៅក្នុងប្រទេសចិនក្នុងខែតុលា ឥឡូវនេះមានលក់ទូទាំងពិភពលោកហើយ។ ម៉ូដែលទាំងនេះត្រូវបានរចនាដ៏ប្រណិត ជាមួយនិងកាមេរ៉ាខាងមុខដែលមានសមត្ថភាពខ្ពស់ ដែលត្រូវបានកែសម្រួលសម្រាប់ការថតរូប Selfie ដ៏ល្អឥតខ្ចោះ និងការថតវីដេអូ។
ហើយសម្រាប់ Huawei Nova 13 វាមានអេក្រង់ OLED ទំហំ 6.78 អ៊ីញជាមួយនឹង 120 Hz និងកម្រិតភាពច្បាស់ 2,412 x 1,084 ភីកសែល។ វាក៏បានបំពាក់មកជាមួយ កាមេរ៉ាខាងមុខទំហំ 60 MP ដែលមានមុខងារ AI Best Expression និងប្រព័ន្ធកាមេរ៉ាខាងក្រោយរបស់វារួមមាន 50 MP និង 8 MP ultrawide។ ដោយវាដំណើរការដោយបន្ទះឈីប Kirin 8000 ភ្ជាប់ជាមួយ RAM 12 GB និងអង្គផ្ទុកទិន្នន័យ 512 GB វាមានថាមពលថ្ម5,000 mAh ជាមួយនឹងការសាកថ្មលឿន 100W ។
ចំពោះស្មាតហ្វូន Huawei Nova 13 Pro វាផ្តល់នូវអេក្រង់ទំហំ 6.76 អ៊ីញតូចជាងមុនបន្តិចនឹង120 Hz ជាមួយកម្រិតភាពច្បាស់ 2,776 × 1,224 ភីកសែល។Huawei Nova 13 Pro មានកាមេរ៉ាទំហំ 50 MP និង telephoto 12 MP ជាមួយនឹង 3x optical zoom ដែលរួមមានសេនស័រ 8 MP ។
វាក៏បំពាក់មកជាមួយអាវក្រោះការពារទឹកកម្រិត IP65 និងបច្ចេកវិទ្យា Splash Touch។
ឧបករណ៍ទាំងនេះដំណើរការលើ HarmonyOS 4.2 ហើយចំពោះតម្លៃរបស់វាអាចចាប់ផ្តើមប្រហែល $378 សម្រាប់ Nova 13 និង $519 សម្រាប់ Pro ។
ប្រភព : ceotech