រឿងដ៏អាក្រក់មួយកើតចេញពីប្រទេសអាល់បានី ដោយក្មេងប្រុសអាយុទើបតែ១៤ឆ្នាំម្នាក់ ត្រូវបានមិត្តភក្ដិចាក់សម្លាប់ រឿងនេះត្រូវបានគេគិតថាវាមានជម្លោះគ្នានៅលើបណ្តាញសង្គម បន្ទាប់ពីការពិត វីដេអូរបស់យុវជនគាំទ្រឃាតកបានចាប់ផ្ដើមផ្សព្វផ្សាយនៅលើ TikTok។ រដ្ឋាភិបាលអាល់បានីបានប្រតិកម្មជាមួយនឹងវិធានការដ៏ខ្លាំងក្លាមួយហើយបញ្ឈប់ TikTok ពេញមួយឆ្នាំ ។
ប្រព័ន្ធផ្សព្វផ្សាយសង្គមមានបានជះឥទ្ធិពលយ៉ាងខ្លាំងទៅលើជីវិតរបស់កុមារ និងក្មេងជំទង់។ ជាឧទាហរណ៍ ដូចប្រទេសអូស្ត្រាលីជាដើមបានសម្រេចចិត្តហាមប្រាមបណ្តាញសង្គមសម្រាប់កុមារអាយុក្រោម 16 ឆ្នាំ ដើម្បីការពារសុខភាពផ្លូវចិត្តរបស់ពួកគេ។ នាយករដ្ឋមន្ត្រីអាល់បានី Edi Rama បានប្រកាសហាមប្រាមលើ TikTok បន្ទាប់ពីកិច្ចប្រជុំជាបន្តបន្ទាប់ជាមួយឪពុកម្តាយ និងគ្រូបង្រៀន។ដើម្បីទប់ស្កាត់នៅបញ្ហាផ្សេងៗទៅលើក្មេងៗ។
បញ្ហានេះមិនត្រឹមតែជាបញ្ហាដល់អាល់បានីទេ សូម្បីតែ បែលហ្ស៊ិក បារាំង និងអាឡឺម៉ង់ក៏បានចាត់វិធានការជាមួយនឹងច្បាប់តឹងរឹងលើការប្រើប្រាស់ប្រព័ន្ធផ្សព្វផ្សាយសង្គមទៅលើអនីតិជនផងដែរ។ទោះជាយ៉ាងណាក៏ដោយ Rama បានវាយប្រហារដោយផ្ទាល់ទៅលើ TikTok ដែលត្រូវបានចាត់ទុកថាជាអ្នកទទួលខុសត្រូវចំពោះការបង្កអំពើហិង្សាក្នុងចំណោមយុវជននៅក្នុងសាលារៀន។
ប៉ុន្តែមិនយូរប៉ុន្មាន TikTok ក៏បានចេញឆ្លើយតប ដោយក្រុមហ៊ុនសុំស្នើឱ្យរដ្ឋាភិបាលអាល់បានីបំភ្លឺភ្លាមៗ។អំពីបញ្ហាដែលបានកើតឡើងអ្នកនាំពាក្យម្នាក់បាននិយាថា រឿងដែលបានកើតឡើងនេះគឺមិនបានឃើញថាជនរងគ្រោះ ឬអ្នកវាយប្រហារមិនមានគណនី TikTok ទេ ។ វីដេអូដែលបានកើតឡើងនេះក្រុមហ៊ុន TikTok បញ្ជាក់ថាវាកើតឡើងនៅលើបណ្តាញសង្គមផ្សេង។ ប៉ុន្តែទោះជាយ៉ាងណាក៏រដ្ឋាភិបាលហាក់មានចេតនាក្នុងការបន្តការហាមប្រាមដោយគ្មានការលើកលែង។
ប្រភព : wccftech