ក្រុមហ៊ុន Samsung ត្រូវបានគេរាយការណ៍ថាកំពុងអភិវឌ្ឍ three-layer stacked sensor សម្រាប់ iPhone 18 របស់ Apple នាពេលខាងមុខ ដែលជាការបញ្ចប់កិច្ចសន្យាផ្តាច់មុខ រយៈពេលមួយទសវត្សរ៍របស់ក្រុមហ៊ុន Sony សម្រាប់ Sensor Camera ដែលបំពាក់លើ iPhone ។
Sensor Samsung ថ្មីនេះត្រូវបានគេរំពឹងថានឹងមានសមត្ថភាពលើស Sensor Camera របស់ Sony និងបញ្ជូលបច្ចេកវិទ្យាប្រព័ន្ធ AI ការចាប់រូបភាពកាន់តែលឿន និង រូបភាពកាន់តែច្បាស់។
ស៊េរី iPhone 18 នឹងចេញលក់ក្នុងឆ្នាំ 2026 អាចជាត្រកូល Apple ដំបូងគេដែលបំពាក់សេនស័រកម្រិតខ្ពស់របស់ Samsung ដែលត្រូវបានគេរំពឹងថានឹងធ្វើឱ្យប្រសើរឡើងនូវគុណភាពរូបភាព ជាពិសេសក្នុងស្ថានភាពពន្លឺតិច។ទូរសព្ទនេះក៏ប្រហែលជាត្រូវបានបំពាក់ដោយសេនស័រទំហំ 48 មេហ្គាភិចសែល និងបន្ទះឈីប A20 ថ្មីរបស់ក្រុមហ៊ុន Appleដែលផលិតឡើងលើដំណើរការ 2 ណាណូម៉ែត្រ។
លើសពីនេះ Samsung កំពុងបង្កើតសេនស័រកាមេរ៉ាទំហំ 500MP សម្រាប់ម៉ូដែលក្រោយរបស់ខ្លួន ដោយសន្យាថា Sensor ថ្មីនេះអាចនឹងផ្តល់នូវភាពច្បាស់ល្អ និងលម្អិតកាន់តែប្រសើរ សម្រាប់រូបថត និងវីដេអូដែលថត។
ប្រភព : The verge