Meta កំពុងកាត់បន្ថយកម្លាំងការងាររបស់ខ្លួនចំនួន 5% ដែលវាស្មើនឹងការបញ្ឃប់បុគ្គលិកជាង 3,600 នាក់។ នេះបង្ហាញថាក្រុមហ៊ុនកំពុងកាត់បន្ថយចំណាយ ទៅលើការបុគ្គលិករបស់ខ្លួន។
Meta បានបញ្ជាក់ពីការកាត់បន្ថយការងារដែលត្រូវបានរាយការណ៍ដោយ Bloomberg ដែលមានបុគ្គលិកប្រហែល 72,400។ លោក Mark Zuckerberg នាយកប្រតិបត្តិក្រុមហ៊ុន Meta បាននិយាយថា យុទ្ធសាស្រ្តរបស់ក្រុមហ៊ុនផ្តោតលើការជឿនលឿននៃបច្ចេកវិទ្យាដែលកំពុងរីកចម្រើនដូចជា បញ្ញាសិប្បនិម្មិត (AI) និង វ៉ែនតាឆ្លាតវៃនៅក្នុងឆ្នាំខាងមុខនេះ ដែលត្រូវបានគេរំពឹងថាជាឆ្នាំដែលក្រុមហ៊ុនសម្រុកធ្វើឲ្យខ្លាំងបំផុត។ ហើយអ្វីដែលសំខាន់នោះក្រុមហ៊ុនបានកាត់បន្ថយកម្លាំងពលកម្ម និង
រក្សាធនធានរបស់ខ្លួន ដើម្បីផ្តល់អាទិភាពដល់ការបង្កើតបច្ចេកវិទ្យាទំនើបសម្រាប់កំណើននាពេលអនាគត។ ហើយបើតាមសម្តីលោក Mark Zuckerberg បានបញ្ជាក់នៅក្នុងអនុស្សរណៈថា Meta កំពុងបង្កើនស្តង់ដារប្រតិបត្តិការ និងពន្លឿនដំណើររបស់ខ្លួន ព្រមទាំងធ្វើការបញ្ឈប់បុគ្គលិកដែលមានតួនាទីមិនសូវជាចាំបាច់នៅក្នុងក្រុមហ៊ុន។ ការសម្រេចចិត្តនេះគឺក្រុមហ៊ុនមានគោលបំណងធ្វើឱ្យប្រសើរឡើងនូវប្រសិទ្ធភាព និងធានាបាននូវសមិទ្ធផលឱ្យបានកាន់តែខ្ពស់។
ប្រភព : cnbc.com