ក៏ដឹងហើយថា TikTok ត្រូវបានហាមឃាត់មិនឲ្យមានប្រើនៅក្នុងសហរដ្ឋអាមេរិកត្រឹកថ្ងៃ១៩ ខែមករានេះ។ ប៉ុន្តែទោះជាយ៉ាងណាក៏ដោយប្រជាជនអាមេរិចសម្រុកមកប្រើប្រាស់កម្មវិធី Xiaohongshu ដែលត្រូវបានគេស្គាល់ថា RedNote វាគឺជាប្រព័ន្ធផ្សព្វផ្សាយសង្គម និងពាណិជ្ជកម្មអេឡិចត្រូនិករបស់ចិន ដែលកំពុងតែទទួលបានប្រជាប្រិយភាពយ៉ាងឆាប់រហ័សនៅក្នុងសហរដ្ឋអាមេរិក ជាពិសេសក្នុងចំណោមអ្នកប្រើប្រាស់វ័យក្មេង។
កម្មវិធីនេះអនុញ្ញាតឱ្យអ្នកប្រើប្រាស់ អាចបង្ហោះវីដេអូខ្លីៗ ចែករំលែកការណែនាំអំពីផលិតផល និងបង្កើតខ្លឹមសារផ្សេងៗ ក៏ដូចជាអាចធ្វើការទិញទំនិញតាម Onlineបានថែមទៀតផង ដោយកម្មវិធីនេះវាមិនខុសអ្វីពី TikTok នោះទេ។
ហើយអ្វីដែលគួរឲ្យកត់សម្គាល់នោះគឺ RedNote បានឃើញការកើនឡើងគួរឱ្យកត់សម្គាល់នៃចំនួននៃការទាញយក និងអ្នកប្រើប្រាស់យ៉ាងច្រើន ជាពិសេសនៅក្នុងសហរដ្ឋអាមេរិកតែម្តង ដែលវាបានក្លាយជាកម្មវិធីឥតគិតថ្លៃដែលត្រូវបានទាញយកច្រើនបំផុតនៅលើ App Store ។ វាបានវ៉ាដាច់ប្រព័ន្ធផ្សព្វផ្សាយសង្គមផ្សេងទៀតដែលបានបង្កើតឡើង។
សមត្ថភាពរបស់កម្មវិធីនេះបានធ្វើការទាក់ទាញអ្នកប្រើប្រាស់នៅសហរដ្ឋអាមេរិកបទោះបីវាជាកម្មវិធីដែលមានមូលដ្ឋាននៅប្រទេសចិនក៏ដោយ។ ផ្ទុយមកវិញ Influencers ជាច្រើនកំពុងងាកទៅប្រើ Xiaohongshuឬ RedNote ដែលជាកម្មវិធីមានសុវត្ថិភាពជាងបើប្រៀបធៀបទៅនឹងTikTok នេះក៏ដោយសារតែTikTokមានការហាមឃាត់ដែលធ្វើឲ្យវាពិបាកក្នុងការប្រើប្រាស់។
តែមិនច្បាស់ទេថាតើ Xiaohongshu នឹងអាចរក្សាបាននូវប្រជាប្រិយភាពបច្ចុប្បន្នរបស់ខ្លួនបានរហូតឬយ៉ាងណា។ តែវាក៏មានការព្រួយបារម្ភខ្លាចដូចអ្វីដែលTikTokជួបបញ្ហា ព្រោះកម្មវិធីនេះក៏ជាកម្មវិធីរបស់ចិនដែរ។
ប្រភព : ceotech