ទោះបីជាមានការព្យាករណ៍ដំបូងថាមានការលក់បានច្រើនក៏ដោយ តែផ្ទុយទៅវិញការលក់គឺទាបជាងការរំពឹងទុក។ លើសពីនេះ ភាគហ៊ុនរបស់ក្រុមហ៊ុន Apple បានបាត់បង់តម្លៃ ដែលឆ្លុះបញ្ចាំងពីការព្រួយបារម្ភលើប្រតិបត្តិការរបស់ក្រុមហ៊ុន។ ហេតុផលចម្បងសម្រាប់បញ្ហានេះ គឺខ្វះការអភិវឌ្ឍន៍ AI (Apple Intelligence) របស់ Apple ដែលមិនមានការច្នៃប្រឌិត ឬមានឥទ្ធិពលដូចការរំពឹងទុក។ វាក៏បានរួមចំណែកនៃការធ្លាក់ចុះ 3% នៃតម្លៃភាគហ៊ុនរបស់ខ្លួន។
ព្រមទាំងធ្លាក់ចុះ 5%នៃការលក់ iPhone នៅទូទាំងពិភពលោក និងការបាត់បង់ចំណែកទីផ្សារនៅក្នុងប្រទេសចិន។ ទោះជាយ៉ាងណាក៏ដោយ Apple កំពុងរៀបចំសម្រាប់ការងើបឡើងវិញដ៏មានសក្តានុពលក្នុងឆ្នាំ 2025នេះវិញ ដោយស្វែងរកវិស័យថ្មីៗ ដើម្បីជំរុញកំណើន និងសក្តានុពលរបស់ខ្លួន។
ខណៈពេលដែល iPhone 16 ត្រូវបានដាក់ឱ្យដំណើរការដោយគ្មានការរួមបញ្ចូលពេញលេញនៃ Apple Intelligence (AI) ហើយមុខងារ AI នឹងត្រូវបានណែនាំជាបណ្តើរៗតាមរយៈការអាប់ដេត ជាមួយនឹងការអាប់ដេត Siri ដ៏សំខាន់ដែលបានគ្រោងទុកសម្រាប់ឆ្នាំ 2026។
កត្តាជាច្រើន បាននាំឱ្យមានការធ្លាក់ចុះនៃការលក់ iPhone បើទោះបីជាវាមិនខ្លាំងដូចការរំពឹងទុកក៏ដោយ។ ប៉ុន្តែ iPhone នៅតែត្រូវបានចាត់ទុកថាជាស្មាតហ្វូនដ៏ល្អបំផុតមួយនៅលើទីផ្សារ Apple ក៏ត្រូវតែគិតឡើងវិញនូវវិធីសាស្រ្តរបស់ខ្លួនក្នុងការស្ដារ iPhone ទៅកាន់ភាពជោគជ័យពីមុនរបស់ខ្លួន និងទទួលបានទំនុកចិត្តពីអ្នកប្រើប្រាស់ឡើងវិញ ដោយផ្តល់នូវការច្នៃប្រឌិតពិតប្រាកដ និងប្លែក។
ប្រភព :ceotech