ក្រោយពីមានរឿងរ៉ាវដែលTikTokមានបញ្ហានៅក្នុងសហរដ្ឋអាមេរិកអំពីការ ហើយកាលថ្ងៃទី១៩ខែមករានេះសហរដ្ឋអាមេរិកក៏បានធ្វើដូចអ្វីដែលខ្លួនបាននិយាយគឺបានបិទTikTokលែងឲ្យដំណើរការនៅក្នុងប្រទេសមួយនេះ។ ប៉ុន្តែបានប៉ុន្មានម៉ោងក្រោយមកTikTok ក៏អាចដំណើរការវិញបានធម្មតា។
ទាំងនេះក៏ដោយសារប្រធានាធិបតី លោក Donald Trump លើកឡើងពីកង្វល់សន្តិសុខជាតិ ហើយ TikTok ក៏បាននិយាយថា ខ្លួនកំពុងធ្វើការជាមួយ លោក Donald Trump ដើម្បីលុបចោលការហាមឃាត់ មួយនេះ។ ក្រុមហ៊ុនក៏បានប្រកាសពីផែនការដើម្បីឲ្យ TikTok អាចចូលប្រើប្រាស់បានវិញនៅក្នុងអាមេរិក។ ក្រុមហ៊ុនក៏បាននិយាយថា ខ្លួននឹងអនុវត្តវិធានការសុវត្ថិភាពថ្មី ដើម្បីដោះស្រាយបញ្ហាឯកជនភាពទិន្នន័យ និងធានាការអនុលោមតាមបទប្បញ្ញត្តិរបស់សហរដ្ឋអាមេរិកផងដែរ។
បងប្អូនបើយើងក្រឡេកទៅមើលពត៌មានប្រជាជនអាមេរិកដែលនិយមប្រើនៅបណ្តាញTikTokនេះ ក្រោយពីដឹងថាTikTok ត្រូវបានបិទហើយ គឺគ្រប់គ្នាបង្កឱ្យមានការព្រួយបារម្ភ ជាពិសេសក្នុងចំណោមអ្នកប្រើប្រាស់វ័យក្មេង ដែលបានបង្ហាញពីទុក្ខព្រួយរបស់ពួកគេចំពោះការហាមឃាត់ និងផលប៉ះពាល់ដល់ការងារក៏ដូចជាផ្លូវចិត្តមួយចំនួនផងដែរ។
TikTok ក៏បានអរគុណប្រធានាធិបតី Trump សម្រាប់ការធានាថាពួកគេនឹងមិនប្រឈមមុខនឹងការពិន័យសម្រាប់ការបន្តផ្តល់TikTok ដល់ប្រជាជនអាមេរិកចំនួន 170 លាននាក់ទៀតនោះទេ។ប៉ុន្តែយើងមិនទាន់អាចដឹងថាTikTok អាចនឹងបន្តនៅក្នុងសហរដ្ឋអាមេរិករហូតឬក៏យ៉ាងណាទៀតនោះឡើយ។
ប្រភព : wccftech