តាមរូបភាព 3D នៃម៉ូដែល iPhone SE 4 ដែលបានលេចធ្លាយ ដោយបង្ហាញពីការរចនាថ្មីដែលមានកាមេរ៉ាតែមួយលេចចេញនៅខាងក្រោយ ហើយមានគែមសំប៉ែត នឹងស្រដៀងគ្នាជាមួយ iPhone 16។
ដោយយើងមើលឃើញថា Apple កំពុងរៀបចំបង្ហាញ iPhone SE 4 ថ្មីក្នុងខែមេសា ដោយផ្តោតលើអ្នកប្រើប្រាស់ដែលចូលចិត្តស្មាតហ្វូនតូច ប៉ុន្តែមានថាមពលខ្លាំង។ រូបភាព 3D ថ្មីៗនេះបានបង្ហាញពីការរចនាចុងក្រោយ ដោយបង្ហាញពីកាមេរ៉ាខាងក្រោយតែមួយ។ ដំណឹងនេះបានបង្កើនការទន្ទឹងរង់ចាំ សម្រាប់អ្នកគាំទ្រ នៃ iPhone SE 4 នាពេលខាងមុខ។
Majin Buu បានចែករំលែករូបភាពដែលបានផ្សព្វផ្សាយនៅលើបណ្តាញសង្គម X ដោយបង្ហាញពីព័ត៌មានលម្អិតគួរឱ្យចាប់អារម្មណ៍អំពី iPhone SE 4 ។ SE 4 មានម៉ូឌុលកាមេរ៉ា និងឧបករណ៍ចាប់សញ្ញា ហើយម៉ូដែលជា3Dនេះ ត្រូវបានលេចធ្លាយទំនងជាសម្រាប់អ្នកផលិតគ្រឿងបន្លាស់ប្រើប្រាស់។ ចំពោះកាមេរ៉ានៅលើ SE 4 ត្រូវបានគេរំពឹងថានឹងលេចចេញ ប៉ុន្តែមិនច្រើនដូចនៅក្នុងម៉ូដែល iPhone ចុងក្រោយបង្អស់នោះទេ។
iPhone SE 4 អាចនឹងបំពាក់បន្ទះឈីប Apple A18 Bionic ហើយត្រូវបានគេរំពឹងថានឹងមាន RAM ទំហំ 8GB ដែលគាំទ្រមុខងារ AI របស់ Apple។ សម្រាប់កាមេរ៉ាគោលនឹងមានសេនស័រ 48MP។
iPhone SE 4 ក៏នឹងមានស៊ុមអាលុយមីញ៉ូមជាមួយនឹងកញ្ចក់ខាងក្រោយ។ SE 4 ក៏សន្យាថានឹងដំណើរការខ្ពស់ជាមួយនឹងលក្ខណៈបច្ចេកទេសគួរឱ្យចាប់អារម្មណ៍ ហើយ iPhone SE 4 ត្រូវបានគេរំពឹងថានឹងក្លាយ ជា ទូរសព្ទ លក់ ដាច់ បំផុតជាមួយនឹងតម្លៃប្រហែល 500 ដុល្លារប៉ុណ្នោះ។
ប្រភព : ceotech