ខណៈដែលថា S25 Edge អាចនឹងចេញលក់ឆាប់ៗនេះ ក្រុមហ៊ុន Samsung កំពុងព្យាយាមសម្រេចបានជាមួយនឹងស្មាតហ្វូន Galaxy S25 Edge ឲ្យកាន់តែប្រសើរផងដែរ។ ក្រុមហ៊ុន Samsung ចង់ធ្វើឱ្យទូរស័ព្ទមួយនេះស្តើង និងរលោងបំផុតនៅក្នុងត្រកូលរបស់ពួកគេ ប៉ុន្តែការធ្វើឱ្យទូរស័ព្ទស្តើងជាងមុនអាចមកជាមួយនឹងគុណវិបត្តិដែលអាចកើតមានមួយចំនួន ដូចជាកាត់បន្ថយភាពធន់ ឬក៏ទាក់ទងថាមពល។
ទោះបីជាយ៉ាងណាក៏ដោយ ប្រភពមួយបានបំភ្លឺថា S25 Edge វានឹងមិនមានទម្ងន់ធ្ងន់ដូចជា Galaxy S25 នោះទេ ហើយកត្តាប្រឈម ដែលធ្វើឲ្យស្តើងនិងទម្ងន់ស្រាលគឺវាមិនធ្វើឱ្យខូចគុណភាពឬ ការដំណើរការឡើយ ។
Galaxy S25 Edge ដំបូងគេហាក់ដូចជាគិតថាវាមានទម្ងន់ធ្ងន់ជាង Galaxy S25 ប៉ុន្តែវានៅតែត្រូវបានរចនាឡើងឱ្យស្តើងជាង និងទម្ងន់ស្រាលជាង។ ទូរស័ព្ទនេះមានកម្រាស់ 5.84mm ដែលជាជម្រើសរចនាដែលស្តើង។ ហើយដើម្បីសម្រេចបាននូវចំណុចទាំងនេះ ក្រុមហ៊ុន Samsung បានជ្រើសរើសដាក់បញ្ចូលកាមេរ៉ាខាងក្រោយតែ 2 គ្រាប់ប៉ុណ្ណោះជំនួសឱ្យ 3 ដែលជួយកាត់បន្ថយទម្ងន់ទូរស័ព្ទ និងក្រាស់។
ទោះបីជាមានអេក្រង់ធំជាង 6.7 អ៊ីង Galaxy S25 Edge ត្រូវបានគេរំពឹងថានឹងមានទម្ងន់ស្រាលជាង Galaxy S25 ដែលមានអេក្រង់ 6.2 អ៊ីញ និងមានទម្ងន់ 162 ក្រាម។ នេះដោយសារ Samsung សម្រេចដាក់ ថ្មតូចជាង និងការប្រើប្រាស់សម្ភារៈស្រាលជាងមុនសម្រាប់តួទូរស័ព្ទ។
វិញ្ញាបនប័ត្រ 3C បង្ហាញថា Galaxy S25 Edge នឹងមានថាមពលថ្ម 3,900mAh ដែលតូចជាងថ្ម 4,000mAh នៅក្នុង Galaxy S25 ។ ដើម្បីសម្រេចបាននូវការរចនាស្តើងជាងមុន Samsung នឹងប្រើប្រាស់អាលុយមីញ៉ូមតិចនៅជុំវិញគែម ដើម្បីកាត់បន្ថយទម្ងន់ទូរស័ព្ទ។
ការរចនាឡើងឲ្យស្តើង និង ទម្ងន់ស្រាលនេះគឺជាផ្នែកមួយនៃយុទ្ធសាស្រ្តរបស់ Samsung ក្នុងការបង្កើតឧបករណ៍ដែលងាយស្រួល និងទាន់សម័យជាងមុន។ ខណៈពេលដែលកាលបរិច្ឆេទនៃការចេញផ្សាយពិតប្រាកដ ត្រូវបានគេរំពឹងថានឹងត្រូវបានបង្ហាញនៅក្នុងខែមេសា ប៉ុន្តែវាមិនទាន់ច្បាស់ការ 100%។
ប្រភព : wccftech