ប្រសិនជាគ្រប់យ៉ាងនឹងជោគជ័យក្រុមហ៊ុន Samsung នឹងនាំយកបន្ទះឈីប Exynos ត្រឡប់ទៅទូរស័ព្ទស្មាតហ្វូនរបស់ខ្លួនវិញ។
បន្ទាប់ពីបានរំលង Exynos 2500 ទាំងស្រុងសម្រាប់ ស៊េរី Galaxy S25 ដោយសារតែអត្រាទិន្នផលមិនល្អ របាយការណ៍ថ្មីមួយបានបង្ហាញថាក្រុមហ៊ុនកំពុងធ្វើការជំរុញយ៉ាងខ្លាំងក្លាដើម្បីធានាថា Exynos 2600 នឹងត្រឡប់មកវិញហើយអាចនឹងបំពាក់ទៅលើត្រកូល Galaxy S26 នាពេលខាងមុខ។
យោងតាម FNNews ក្រុមហ៊ុន Samsung បានបង្កើតក្រុមការងារពិសេសមួយ ដើម្បីបង្កើនប្រសិទ្ធភាពប្រតិបត្តិការ និងការផលិតបន្ទះឈីប Exynosរបស់ខ្លួន ។ បន្ទះឈីបថ្មីនេះត្រូវបានគេរំពឹងថានឹងត្រូវបានបង្កើតឡើងនៅលើដំណើរការ 2nm “SF2” របស់ក្រុមហ៊ុន Samsung ហើយគេរំពឹងថាវានឹងបង្ហាញពីអត្រាទិន្នផលដែលប្រសើរឡើងគួរឱ្យកត់សម្គាល់។
ការបរាជ័យនៃ Exynos 2500 បានធ្វើឱ្យ Samsung ត្រូវពឹងផ្អែកទាំងស្រុងទៅលើ Snapdragon 8 Elite របស់ក្រុមហ៊ុន Qualcomm សម្រាប់ស៊េរី Galaxy S25 ហើយក្រុមហ៊ុនទំនងជាមិនចង់ធ្វើឲ្យរឿងនេះកើតមានឡើងម្តងទៀតទេ។
យ៉ាងណាមិញក្រុមហ៊ុន Samsung នៅតែជឿថាពួកគេអាចនឹងនាំបន្ទះឈីប Exynos 2600 មកបំពាក់នៅលើត្រកូល Galaxy S26 របស់ខ្លួន ឋក៏ដូចជាចូលប្រកួតប្រជែកក្នុងទីផ្សារផងដែរ។
ប្រភព : gizmochina