ក្រុមហ៊ុន Vivo បានដាក់បង្ហាញជាផ្លូវការនូវ Y300i ដែលជាការបន្ថែមចុងក្រោយបំផុតរបស់ខ្លួនចំពោះស៊េរី Y នៅក្នុងប្រទេសចិន។ ក្នុងនាមជាអ្នកស្នងតំណែងរបស់ Y200i កាលពីឆ្នាំមុន ម៉ូដែលថ្មីនេះនាំមកនូវការអាប់ដេតបន្ថែម រួមទាំងថ្មធំ ការគាំទ្រ 5G និងអេក្រង់ refresh rate ខ្ពស់។
Vivo Y300i មានអេក្រង់ 6.68 អ៊ីញ HD+ LCD ជាមួយនឹង120Hz និងមាន RAM 12GB ហើយក៏អាចពង្រីកបានរហូតដល់ 24GB ថែមទាំងមានអង្គផ្ទុក 512GB ជាមួយបច្ចេកវិទ្យា UFS 2.2។
Y300i ក៏នឹងដំណើរការលើបន្ទះឈីប Snapdragon 4 Gen 2 ដែលជាប្រព័ន្ធដំណើរការ 4nm octa-core ជាមួយនឹងការរួមបញ្ចូលគ្នានៃស៊ីភីយូ Cortex-A78 និង Cortex-A55 ។ Vivo Y300i មានកាមេរ៉ាខាងក្រោយទំហំ 50MP មួយដែលមាន f/1.8 aperture និង LED flash។ សម្រាប់ប្រព័ន្ធសុវត្ថិភាព ទូរស័ព្ទនេះមាន ឧបករណ៍ស្កែនក្រយៅដៃ ដែលបានបញ្ចូលទៅក្នុង ប៊ូតុងថាមពលសម្រាប់ការបើកសោរបានយ៉ាងងាយស្រួល។
Vivo Y300i ត្រូវបានបំពាក់ដោយ ថាមពលថ្មធំ 6500mAh ដែលគាំទ្រ ការសាកថ្មលឿន 44W ។ វាក៏រួម បញ្ចូលមុខងារចាំបាច់ដូចជា 5G (SA/NSA) , Dual 4G VoLTE , Wi-Fi ac , Bluetooth 5.1 , GPS , NFC និង រន្ធ USB-C ។
Y300i មានបីពណ៌ ជាមួយនឹងការរចនាស្តើងគួរសមសម្រាប់ទូរស័ព្ទដែលមានថ្មធំ វាមានកម្រាស់ប្រហែល 8.09mm ទៅ 8.19mm និងមានទម្ងន់ប្រហែល 205-206g។
ដោយក្រុមហ៊ុន Vivo ក៏បញ្ជាក់ពីតម្លៃ Y300i ផងដែរ
Vivo Y300i មានបីប្រភេទ៖
· RAM 8GB + អង្គផ្ទុកទិន្នន័យ 256GB មានតម្លៃ 206.16 ដុល្លារ
· RAM 12GB + អង្គផ្ទុកទិន្នន័យ 256GB មានតម្លៃ 219.90 ដុល្លារ
· RAM 12GB + អង្គផ្ទុកទិន្នន័យ 512GB មានតម្លៃ 247.39 ដុល្លារ
ការលក់ជាផ្លូវការនឹងចាប់ផ្ដើមនៅក្នុងប្រទេសចិនចាប់ពី ថ្ងៃទី ១៤ ខែមីនា។
ប្រភព : gizmochina