មានពាក្យចចាមអារ៉ាមថា Apple កំពុងអភិវឌ្ឍ iPhone បត់បាន ដែលអាចមានតម្លៃខ្ពស់ជាស៊េរីធម្មតារបស់ខ្លួន។ អ្នកវិភាគ Tim Long ប៉ាន់ស្មានថាតម្លៃ iPhone នេះអាចកើនដល់ $2,300 នៅសហរដ្ឋអាមេរិក។ ដោយគេគិតថាវាអាចបង្ហាញនៅចុងឆ្នាំ 2026 ដល់ដើម 2027។
ហើយអ្នកវិភាគ Ming-Chi Kuo បានព្យាករណ៍ថា iPhone បត់បានអាចមានតម្លៃពី $2,000 ដល់ $2,500។ គាត់បញ្ជាក់ថា ឧបករណ៍នេះអាចមានអេក្រង់បត់ 7.8 អ៊ីញ អេក្រង់ខាងក្រៅ 5.5 អ៊ីញ កាមេរ៉ាក្រោយពីរ ប៊ូតុងថាមពល Touch ID និងដង់ស៊ីតេថ្មខ្ពស់ខ្ពស់ផងដែរ។
គេក៏បានបញ្ជាក់ទៀតថានៅពេលលាតចេញទាំងស្រុងវាមានកម្រាស់ស្តើងត្រឹមតែ 4.5mm និងពេលបត់ចូលគ្នាវាមានកម្រាស់ដល់ 9mm ទៅ 9.5mm សម្រាប់ស៊ុមត្រូវបានគេរាយការណ៍ថានឹងប្រើប្រាស់សារធាតុទីតានីញ៉ូម និងដែកអ៊ីណុកសម្រាប់បង្កើនភាពធន់រឹងមាំ។
ហើយនេះវាអាចជាលើកដំបូងដែល Apple នឹងឈានចូលក្នុងឧស្សាហកម្មទូរស័ព្ទដែលបត់បាន។ ចុះប្រសិនបើ Apple នឹងចេញទូរស័ព្ទបត់បានជាមួយតម្លៃ 2,000 ដុល្លារ ជាងនេះបងប្អូនគិតយ៉ាងណាដែរ តើនឹងទិញប្រើឬទេ?
ប្រភព : gizmochina