ស្មាតហ្វូនលេងហ្គេម Nubia Neo 3 និង Neo 3 GT បានមកដល់ហ្វីលីពីនជាមួយលក្ខណៈពិសេស និងតម្លៃសមរម្យ

ស៊េរី Nubia Neo 3 របស់ ZTE ដែលត្រូវបានចេញផ្សាយនៅក្នុងព្រឹត្តិការណ៍ MWC 2025 និងមានគ្រោងនឹងចេញលក់នៅចុងខែមីនានេះ ឥឡូវនេះអាចបញ្ជាទិញមុនបានតាមវេបសាយ Lazada នៅប្រទេសហ្វីលីពីន សម្រាប់ទាំងពីរម៉ូដែល Nubia Neo 3 5G និង Neo 3 GT។

លក្ខណៈពិសេស Nubia Neo 3 GT

Neo 3 GT ដំណើរការដោយបន្ទះឈីប Unisoc T9100 6nm ដែលមាន core 2.7 GHz ARM Cortex-A76 ១គ្រាប់ និង core2.3 GHz ៣គ្រាប់ និង core Cortex-A55 2.1 GHz ៤គ្រាប់ រួមជាមួយ GPU Mali-G57 MP4។ ឧបករណ៍នេះមានអេក្រង់ AMOLED 6.8 អ៊ីញ ល្បឿនអេក្រង់ 120Hz និងពន្លឺអតិបរមា 1,300 nits។ ប្រព័ន្ធកាមេរ៉ារួមមានកាមេរ៉ាគោល 50MP កាមេរ៉ាមុខ 16MP ។ វាក៏មានប្រព័ន្ធកាត់បន្ថយកម្តៅសម្រាប់ការលេងហ្គេម​ vapor chamber 4,083 mm² ជាមួយនឹងថាមពលថ្ម 6,000 mAhនិងការសាកលឿន 80W ។

លក្ខណៈពិសេស Nubia Neo 3 5G

Neo 3 5G ដំណើរការដោយបន្ទះឈីប Unisoc T8300 ដែលអាចពង្រីក RAM រហូតដល់ 20GB (8GB+12GB បន្ថែម) រួមជាមួយលក្ខណៈពិសេសសម្រាប់អ្នកលេងហ្គេមដូចជាប៊ូតុងស្មា ម៉ូទ័ររំញ័រ Z-Axis និងបច្ចេកវិទ្យា NeoTurbo។ ឧបករណ៍នេះក៏មានថ្ម 6,000 mAh ដែលគាំទ្រការសាកលឿន 33W និងអេក្រង់ LCD 6.8 អ៊ីញ ល្បឿនអេក្រង់ 120Hz និងពន្លឺអតិបរមា 1,000 nits។

ចំពោះតម្លៃ របស់ស្មាតហ្វូនទាំងពីរគឺ
ម៉ូដែល Neo 3 GT ដែលមាន RAM 12GB អង្គផ្ទុកទិន្នន័យ 256GB មានតម្លៃ ប្រហែល 227 ដុល្លារ និងមានជម្រើសពណ៌ Electro Yellow និង Interstellar Grey។

សម្រាប់ Neo 3 5G ដែលមាន RAM 8GB និងអង្គផ្ទុកទិន្នន័យ 128GB មានតម្លៃ ប្រហែល 139 ដុល្លារចំពោះ RAM 8GB និងអង្គផ្ទុកទិន្នន័យ 256GB មានតម្លៃប្រហែល 174 ដុល្លារ ដោយមានជម្រើសពណ៌ Cyber Silver, Shadow Black និង Titanium Gold។

ទូរស័ព្ទទាំងពីរម៉ូដែលឥឡូវនេះអាចបញ្ជាទិញមុននៅប្រទេសហ្វីលីពីនបាន។
ប្រភព : gizmochina