បន្ទាប់ពី ប្រធានាធិបតីលោក ដូណាល់ ត្រាំ បានតម្លើងពន្ធនៅក្នុងប្រទេសចិនរហូតដល់ ១០៤% បងប្អូនសាកស្រមៃទៅមើលតើ ទូរស័ព្ទ IPHONE នឹងមានតម្លៃប៉ុន្មាន?
ការដាក់ពន្ធនាំចូលខ្ពស់ដល់ ១០៤% លើទំនិញដែលមកពីប្រទេសចិន ដែលមានសក្តានុពលនឹងបណ្តាលឱ្យតម្លៃ iPhone កើនឡើងយ៉ាងខ្លាំងតែម្តង ដោយសារតែក្រុមហ៊ុន Apple ពឹងផ្អែកយ៉ាងធ្ងន់ធ្ងរលើខ្សែសង្វាក់ផ្គត់ផ្គង់នៅប្រទេសចិន ដែលជាកន្លែងផលិតគ្រឿងបន្លាស់សំខាន់ៗ និងធ្វើដំណើរការដំឡើងចុងក្រោយភាគច្រើន តាមរយៈរោងចក្រធំៗដូចជារោងចក្រ Foxconn ជាដើម។
ហើយនៅពេលដែលមានពន្ធនាំចូលខ្ពស់បែបនេះ វានឹងបន្ថែមតម្លៃដើមយ៉ាងច្រើនដល់ការនាំចូលទំនិញ ដែលនាំឱ្យក្រុមហ៊ុនត្រូវដំឡើងតម្លៃលក់ទៅកាន់អតិថិជនដើម្បីគ្របដណ្តប់ការចំណាយបន្ថែមដើម្បីឲ្យសមស្រមនឹងថ្លៃពន្ធ។ ហើយជាលទ្ធផល អ្នកប្រើប្រាស់ចុងក្រោយនឹងត្រូវទទួលរងនូវការកើនឡើងយ៉ាងខ្លាំងនៃតម្លៃទូរស័ព្ទ iPhone ដោយសារតម្លៃដើមដែលកើនឡើងដោយសារពន្ធនាំចូលខ្ពស់បែបនេះ។
ដែលវាអាចឈានដល់កម្រិតខ្ពស់ជាងទ្វេដងនៃតម្លៃដើម ឧទាហណ៍ថា IPHONE ធ្លាប់លក់ចេញតម្លៃ
1000 ដុល្លារជាង ប៉ុន្តែដោយសារអត្រាពន្ធដ៏ខ្ពស់នេះ វាអាចឡើងដល់ 2000 ដុល្លាជាងក្នុងមួយគ្រឿង ហើយនេះគឺជាបញ្ហាដ៏ធ្ងន់ធ្ងរសម្រាប់ទាំងក្រុមហ៊ុនផលិត អ្នកលក់ និងអ្នកប្រើប្រាស់។
ប្រភព : gizmochina