ទីផ្សារស្មាតហ្វូនពិភពលោកបានកើនឡើង ៣% ក្នុងត្រីមាសទី១ ឆ្នាំ២០២៥ ដោយក្រុមហ៊ុន Apple បាននាំមុខ Samsung ដោយបានកាន់កាប់ចំណែកទីផ្សារ ១៩% និង Samsung ទទួលបាន ១៨% ។
ក្រុមហ៊ុន Apple បានសម្រេចជោគជ័យយ៉ាងខ្លាំងដោយសារការចេញលក់ម៉ូដែល iPhone 16e និងការពង្រីកទីផ្សារនៅតំបន់មួយចំនួនដូចជា ជប៉ុន ឥណ្ឌា អាស៊ីអាគ្នេយ៍ និងអាហ្វ្រិក ទោះបីជាការលក់នៅទីផ្សារសំខាន់ៗដូចជាសហរដ្ឋអាមេរិកអឺរ៉ុបនិងចិនមិនសូវទទួលបានការប្រើច្រើនក៏ដោយក៏ដោយ។ ចំណែក Samsung បានចាប់ផ្តើមយឺតបន្តិចដោយសារការពន្យារពេលក្នុងការចេញលក់ស៊េរី Galaxy S25 ប៉ុន្តែក្រោយមកបានជំរុញការលក់ឡើងវិញដោយសារតែការប្រកាសឧបករណ៍ស៊េរី A ថ្មីៗ និងការកើនឡើងនៃចំណែកទីផ្សាររបស់ម៉ូដែល Ultra ក្នុងខែមីនាកន្លងទៅ។
ខណៈយីហោផ្សេងទៀតរបស់ចិនដូចជា Xiaomi, Vivo និង OPPO ក៏មានកំណើនល្អជាមួយនឹងការលក់រីកចម្រើនយ៉ាងខ្លាំងនៅប្រទេសចិន និងទីផ្សារផ្សេងទៀតដូចជាអាមេរិកឡាទីន អាស៊ីប៉ាស៊ីហ្វិក និងអាហ្វ្រិក បានជួយជំរុញដំណើរការទីផ្សារឲ្យទទួលបានជោគជ័យ។
តែទោះបីជាទីផ្សារស្មាតហ្វូនមានសក្តានុពលវិជ្ជមានពីការរីកចម្រើននៃបច្ចេកវិទ្យា AI និងការរចនាស្មាតហ្វូនបត់បានក៏ដោយ តែអ្នកវិភាគនៅតែមានទស្សនៈអវិជ្ជមានចំពោះទីផ្សារនេះនៅឆ្នាំ២០២៥ ដោយគិតថាការលក់សរុបនឹងធ្លាក់ចុះដោយសារកត្តាបរិស្ថានសេដ្ឋកិច្ចមិនអំណោយផល និងមានហានិភ័យពីអ្នកប្រើប្រាស់។
ប្រភព : ceotech